الدليل في متحفي تورينو ولندن.. عماد الفيشاوي من قلب روما : البيتزا أصلها فرعوني

من شاب عادي عنده اعاقة في كتفه الأيسر لسه بيبدأ حياته لملك البيتزا في قلب بلاد البيتزا أنه ابن محافظة القليوبية عماد الفيشاوي الذى قال لـ"الميدان" : درست واتعلمت في مصر، وسنة 1988 قررت السفر لإيطاليا، وبدأت الدراسة الفعلية في عام 1993 فحصلت علي اول مركز في كيفية عمل مشروع صغير بأقل التكاليف، وحصلت على ماجستير في إدارة الأعمال وكيفية إقامة المشروعات الصغيرة من روما .

وتابع الفيشاوي: اشتغلت اكتر لحد ما بقيت عضو باتحاد الأغذية والمشروبات بروما وصاحب أول مدرسة لتعليم البيتزا في قلب العاصمة الإيطالية، مش بس كدا قدرت أسافر للتدريس خارج ايطاليا في انجلترا واليونان.

واضاف ملك البيتزا : الموضوع بالنسبالي كان تحدي ازاي اقدر أكون مميز في اهم شيء إيطاليا مميزة بيه وهي البيتزا، وعشان كدا قدرت اتوصل للعامل المشترك بين الفراعنة والرومان والسر وراء ده كانت دراسات وابحاث اثبتت ان البيتزا فرعونية بالدليل القاطع في متحفي تورينو ولندن.

قائلا : مش هنسى مشاركتي في بطولة العالم تقام في جزيرة قريبة من نابولي إسمها ساباوديا من ارقي مناطق إيطاليا كانت البطولة مشتركة بين إيطاليا وروسيا والصعوبات اللي واجهتها كوني مصري، أنما في البطولة اللي بعدها خدت المركز الثالث على العالم. وحاليا أشهر المدارس بيطلبوني إن أكون محكم معهم (قاضي في لجنه التحكيم) بعد ما عملت مدرستي International Nile pizzaioli scuola italiana pizzaioli.