دكتورة دينا المصري تكتب: خليك قوي وخد القرار

خد قرار تبعد... علشان تحافظ على نفسك

فيه لحظة في حياة أي حد فينا لازم يقف فيها قدام المراية 🪞 ويقول بصوت عالي:
"كفاية... كفاية وجع، كفاية استنزاف... أنا استاهل أعيش مرتاحه!"
الموضوع مش هزار، ومش رفاهية... ده قرار مصيري.

ابعد عن اللي بيستهلك طاقتك كل يوم
اللي كل ما تقعد معاه ترجع تعبان، دماغك مصدعة، قلبك مقبوض.
ده مش صاحب ولا حبيب، ده استنزاف متحرك... وكل ثانية معاه خصم من عمرك.

ابعد عن القاسي
القلب البارد ده مابيحنش، ومايفرقش معاه وجعك.
ولا بيشغله انه يطمن عليك ويسال حتي لوفي خلاف بنكم
تفتكر لحظة لما كنت بتبكي وانت بتحاول تداربها وهو بيتفرج عليك متهزش وكأنك مش موجود؟
ده مش هيتغير... واللي قلبه بارد عمرك ما تعرف تلينه .

ابعد عن الكدّاب والملاوع والمنافق
اللي ليه وشين مستحيل يكون ليك وش نضيف.
ابعد عن الي بينسي الحلو من الشخص الي بيحبه ويقابله برد فعل في نكران اصل واحترامك للمساندة الي مسابكش فيها كقابل كل الحظات الحلوه الكتير دي انك تبيع وتهون وتعاقب عقاب صمتي خاطيء كارثي هو اول واحد في اللعبه دي بيخرج خسران منها كتير وانت والغلط منك من الاساس بس الايجو بجد هيخسرك كل شخص حقيقي وصادق كان جمبك حبك لذاتك وكان مستعد يضحي بنفسه من اجلك الف مره ومس هيندم لحظه علي ده وصدقني مش هتلاقيه ف دنيتك مهما عشت قد ماعشت حد تلاقي معاه الحب الي ف حياته محلمتش بيه الا مره واحده بيجي ف العمر زي الفرصه الي بتيجي مره مبتتكررش ًلحد ماتفهم ده هتكون خسرت وساعتها للاسف الي بيروح مبيرجع ودي حاجه معروفه
فاحتراما للعشره بينك ىبين شريكك متكونش النهايه انك تبيع تدريجي ولا مبالاه اجعل النهايه تايق بيك وبها وبما صار في السابق الي الان من كل طيب شفته معاه ومنه
وابعد عن اللي هُنت عنده مرة
عارف الإهانة دي؟ بتكسر حاجة جواك مابترجعش زي الأول.
واللي استسهل يكسرها مرة، هيكسرها ألف مرة.
ماتستناش منه يتعلم، لأنه شايف إنك استحملت... يبقى هتستحمل تاني.

ابعد عن بخيل المشاعر
اللي كل كلمة حلوة بتتسحب منه بالعافية، كأنك بتشحت حبك!
انت مش محتاج تتسول اهتمام، انت محتاج حد يفرح بيك من قلبه ويشوفك نعمة مش عبء. يحبك في كل رد فعله
يحبك ف كلمه دلع وسط حديث طويل بهتم بيكي وبالي في مشاعرك ونفكيرك حتي لو مبتحكيش وبتسكت عشان متزعلكش افهم انت سكوتها ورد الاجابه الي تطمن قلبها وتريحك يااما لو بتكون عاجز عن التصليح دع سيبها تكتب حزنها جواها مدام مقصرتش معاك ف شيء وكويسه معاك مش هنحاسل النتا كمان ع سكوتها ف زعلها يعني ياتكون قد الرضا الي يليق بيها يااما سيبها ساكته وراضيه وسيبها ف حالها وانسي الموضوع لحد الامور ماتمشي لوحدها .

ابعد عن اللي شايف نفسه ملاك مبيغلطش ومبيعترفش بغلطه ومبيعتزش
اللي عمره ما بيغلط، واللي طول الوقت شايف نفسه ضحية وانت الغلطان ولازم تعتزر
ده نوع سام، بيخليك تصدق إنك قليل وتشك في نفسك كل يوم.

ابعد عن الغايب وقت الشدة
ابعد عن اي بيدخل الزعل بينكم بعدم السوال عن شريكك وتطمن علي احوالها مش تقعد بالايام تعملها صمت عباقي لحد مهي الي تعتزرش وده مش هيحصل طب منت كده الي هتخسر صدقني مش هي هي مفيش غلطه منها ولا عليها ومع ذلك مستحمله وصابره وساكته اكتر من كده مقابل ايه …الحب…. حاول متخسرش النقاط دي
الحب
الاحترام
التقدير
الاهتمام
عدم المكابره
اللي ماسألش وانت واقع... مايفرقش تسأل عليه وانت واقف.
غيابه كشف قيمتك عنده، وقتها خلي نفسك ذكي كفاية وتدي لنفسك حقها.

ابعد عن اللي بيصغرك قدام نفسك
اللي لازم يقلل منك عشان يبان، واللي ضحكته على حساب كرامتك.
الناس دي لو فضلت معاهم هتنسى قيمتك أصلًا.

وماتقفش تشرح أو تعاتب أو تبرر.
العتاب للناس اللي غلطة واحدة وجعتهم أكتر ما وجعتك.
لكن اللي ضيّعك بإيده... لا يستاهل كلمة ولا نظرة واحده.
(اخيرا ……..)

بص حواليك كويس
اختار ناس تشبه قلبك:
ناس تقرب مش تبعد، ناس ترفع مش تهد، ناس تحسسك إنك غالي مش تقنعك إنك ولا حاجة.
اللي لما تسكت، يحسوا بيك.
اللي لو مشيت يوم، يسألوا عليك اليوم اللي بعده.

الحياة قصيرة على الوجع والتقليل.
احترامك لنفسك هو أول وأغلى علاقة في حياتك، ولو اضطريت تخسر أي حد علشان تحافظ عليها... اخسر وانت رافع راسك.
لأن اللي باعك النهارده، هيبيعك بكرة... واللي قدرك النهارده، هيبني معاك عمر كامل.

خليك قوي... وخد القرار..
قبل ما ييجي يوم تقول: "يا ريتني مشيت من بدري."

الكاتبة والمحررة الإعلامية دينا المصري