سمية الخشاب تدعم المعلمة الراقصة: صلحوا من نفسكم.. وحسبى الله ونعم الوكيل

علقت الفنانة سمية الخشاب، على واقعة رقص المُعلمين خلال رحلة نيلة ما نتج عنه إحالتهم للتحقيق قعد إصدار قرار بإيقافهم.

وكتبت سمية الخشاب، منشورًا عبر موقع التغريدات القصيرة تويتر، وقالت: لو كل انسان اتلهي في نفسه والله هننهض، حسبي الله ونعم الوكيل في اللي صورها وخرب بيتها، اتشغلوا بنفسكوا بقى كلكم عيوب.. والله الدين مين اللي نزله؟ ربنا ولا البني أدمين؟، ربنا يبقي اللي يحاسب ربنا مش شوية بني آدمين كلهم غلط وعيوب، صلحوا من نفسكم بدل ما تأذوا الناس وتخربوا بيوتهم.

وتابعت سمية الخشاب: أعتقد والله أعلم اللي صورها أما واحدة حاقدة وغيرانة منها أو واحد مريض ونيته سودة وبرضه غيران منها، لو كل واحد يخليه في حاله ويسلك حياتنا حتتغير للأفضل، فعلا الجهل كارثة كبيرة.

نصائح سمية الخشاب

وعلى جانب آخر، وجهت سمية الخشاب لجمهورها، نصائح خلال لقائها في برنامج كلام الناس، وقالت:احترمت نفسي وبقيت أهتم بصحتي، وأملى بطني بطبق السلطة؛ عشان أشبع، قبل كده كنت بضرب مكرونة بالبشاميل ومحاشي زي ما قلبك يحب.

وتابعت سمية الخشاب: أنصح كل الناس إنهم في الشتاء ياكلوا كوارع، وخصوصًا الرجلين الأمامية للبقرة، هاتوها واغسلوها كويس جدًا، وادخلو على موقع يوتيوب، هتلاقوا طرق كتيرة جدًا للكوارع، مفيدة جدًا لو بتشتكوا من آلام الظهر والعظم والمفاصل، وكلها كولاجين، وحلوة قوي لِوِشُّكُم.