سمية الخشاب: "ضل الحيطة عندى أحسن من ضل الراجل ..ومش ناقصة حد كلمنى"

حلت الفنانة سمية الخشاب والفنان ماجد المصري، ضيفان ببرنامج "بصراحة مع"، والمذاع على شاشة MBC 1، وتحدثا خلال الحلقة عن الكثير من القضايا وحياتهم الشخصية.

وقالت سمية الخشاب خلال الحلقة: ليست نهاية العالم كون المرأة مطلقة، ومش عارفه ليه دايما الست بتتهاجم، وأنا برمجت دماغي إن ربنا خلقني مش ناقصة حد يكملني، وأنا مش محتاجة راجل في حياتي، لكن لو لقيت الشخص اللي يناسبني معنديش مشكلة.

وأضافت سمية الخشاب: الست تقدر تكون أو لا تكون من غير الراجل، وأنا مش في حرب ضد الراجل، بس أنا ضد المثل اللي بيقول ضل راجل ولا ضل حيطة، لأن ساعات بيكون ضل الحيطة أحسن من الراجل، لو هو مش سند.

وتدور فكرة برنامج بصراحة مع المذاع عبر قناة MBC1 حول عدم وجود مذيع، ويتقابل 2 من الضيوف سواء من الفنانين أو الإعلاميين في حوار.

ويتحدث الضيفان خلال الحلقة حول تجارب من حياتهما الشخصية، واستضاف البرنامج في حلقات سابقة أمير كرارة مع أحمد صلاح حسني، ودينا الشربيني مع عمرو يوسف، وكندة علوش مع صبا مبارك.