رسالة محمد كارتر لزوجته شيماء سيف في عيد ميلادها

نشر المنتج محمد كارتر، زوج الفنانة شيماء سيف، صورة لها، ولكن بشكل طفلة ترتدي فستانآ وتجلس أمام تورتة ، ووجه كارتر، رسالة لزوجته بمناسبة عيد ميلادها وذلك عبر موقع التواصل الإجتماعي «الفيس بوك».

 

وعبر كارتر ، عن سعادته بزوجته وبعيد ميلادها، معلقآ على الصورة قائلآ:"الصورة دي متاخدة سكرين شوت من عيني، أنا شايف شوشو كده ومش هاتكبر عمرها في نظري لأنها مش مراتي وبس دي بنتي اللي انا مبسوط وفرحان بيها بشوفها في نومها طفلة وبشوفها في زعلها طفلة وبشوفها في ضحكتها طفلة النهاردة عيد ميلاد بنتي وبنوتي وحببتي وصحبتي واختي ومراتي وامي النهاردة ربنا جابلنا هدية علشان تسعد الوطن العربي كله بخفة دمها وضحكتها اللي بتداوي القلوب وبتعالج الناس من الاكتئاب اسعد لحظة في حياتي لما بلاقي حد كاتبلك انا كان عندي اكتئاب وخفيت علي ايدك لأن الاحساس ده بجد كان عندي قبل ما اعرف كنت بتضحك وبهرج بس لما كنت بقعد مع نفسي بكتئب دلوقتي انتي سبب الضحكة وسبب النفس اللي بتنفسه بحبك يا اغلي من عمري كل سنة وانتي في قلبي وفي حضني وربنا مايحرمني منك ابدا".

 

الجدير بالذكر أن المنتج محمد كارتر، قد تزوج من الفنانة شيماء سيف، منذ سنة ،وحرص النجوم على التواجد بحفل زفافهما ،وتمنوا لها السعادة.