خاص.. صاحب استديو الهرم يكشف حقيقة اعتدائه على عريس ليلة زفافه

التقت "الميدان"، عادل المصري، صاحب استديو التصوير، والذي ادعى عريس بأنه اعتدى عليه ليلة زفافه وأصابه بإصابات خطيرة، في الهرم.

بداية، قال صاحب الاستديو: العريس دخل المحل الساعه ٣ وكان عصبى وكلم البنت بعصبية هوه كان حاجز عندى الاستوديو ب ٢٠٠ ج بس والمفروض عليه ٩٥٠ ج ومكنش معاه الا٥٠٠ ج فقط فقال للبنت بعصبية انا عليا ٩٥٠ ومش معايا الا ٥٠٠ بس قالتله ادخل للمسؤل عن الاستوديو فسبها ودخلي الاستوديو.

وأضاف: حكالي الموضوع قولتله تحت امرك وخرجت معاه علي الريسبشن فالبنت ماخدتش بالها اني وراها ولما ظهر العريس قدمها تاني قالتله مش انا قولتلك مش هينفع الا المبلغ كامل زعقلها وقالها انا بكلمه هوه وشتمها.

وتابع في حديثه ل"الميدان": الشباب اتدخلوا وحاولوا يتكلموا معاه فشتمهم وبعد كده حاولت احل مابينهم فشتم البنات والشباب وكان معاه ٣ شباب غيروا خرجوا بره وحدفوا بلطوب وبقت خناقه زي اي خناقه في شارع.

واستطرد قائلا: اقسم بالله ده اللي حصل ولو جه قدام نيابه أكذبه لو قال غير كده بدليل اني كنت في الخناقه وبحجز محدش مد ايده عليا ولا لمسني كان كل اللي يبص في وشي يفتكر اني كنت معاملهم كويس وكل ده باين في الفيديو بالحرف.

وكان أهالي العريس توجهوا لقسم شرطة الهرم لتحرير محضر، وإثبات واقعة الاعتداء مرفقة بالتقارير الطبية للمجنى عليه، وتحرر عن ذلك محضر رقم «٨٣٢٦ لسنة ٢٠١٩»، وباشرت النيابة التحقيقات.