أحمد العوضي: «لو كنت أقصد أشبه الست بالعربية مكنتش جبت سيرة أبويا»

عاد الفنان أحمد العوضي لتوضيح حقيقة تصريحاته التي أثارت جدلا خلال الساعات الماضية، مؤكدا أن حديثه عن السيارات في برنامج «قصتي» لم يكن يحمل أي تلميح لشخص بعينه، وأنه كان يتحدث عن السيارات باعتبارها جزءا من ذكريات ومراحل حياته المختلفة.

أحمد العوضي: حق كل واحد يشوف اللي عينه عاوزة تشوفه

وقال أحمد العوضي، خلال فيديو نشره عبر صفحته الشخصية على موقع «فيسبوك»: «اللي حصل امبارح أنا طلعت رديت عليه وعن الفهم الخاطئ لو كان الكلام اتفهم بمعناه اللي مش أنا أقصده، وفي ناس وقفت معايا وناس فهمت القصد وفي ناس شافت إن أنا قصدي حاجة تانية، وحقهم كل واحد يشوف اللي عينه عاوزة تشوفه مني».

العوضي يكشف تفاصيل حديثه عن الذكريات والسيارات

وأوضح العوضي أن الحلقة التي تحدث خلالها عن الواقعة امتدت إلى ساعة و38 دقيقة، مشيرا إلى أن السؤال الذي وجه إليه كان حول ما إذا كانت الذكريات الجديدة تمحو الذكريات القديمة.

وقال: «الحلقة كانت ساعة و38 دقيقة، الموضوع إن هو اتسأل عن إن الذكريات الجديدة بتمحي الذكريات القديمة، فأنا قولت نصا كل مرحلة في الدنيا ليها ذكرياتها، وأنا وسعت المفهوم وقولت إن المرحلة تشمل كل حاجة حياتك وسكنك وشغلك وحبك وصدقاتك وسيارة أنت راكبها».

أحمد العوضي: مكنتش أقصد أشبه الست بالعربية

وتابع أحمد العوضي موضحا سبب حديثه عن سيارات «ميتسوبيشي» و«مرسيدس»، قائلا: «ضربت المثل بالسيارة عن ميتسوبيشي ومرسيدس، لو أنا أقصد إني أرمي كلام وأشبه الست بالعربية مكنتش جبت سيرة أبويا إنه معاه عربية 132».

وأضاف: «عمري ما هغلط في حد كان في حياتي أو حد مني، عمري ما أعمل كده، الكلام اللي اتفهم غلط أنا مكنش في نيتي كده، أنا كنت بتكلم عن العربيات كعربيات مش قصدي تلميح على حد».

العوضي: أنا مهنتش المرأة

وشدد الفنان أحمد العوضي على أنه لم يقصد إهانة المرأة من خلال حديثه، قائلا: «أنا مهنتش المرأة ولا الكلام ده، بالعكس أنا قولت لازم الست تتعامل معاملة كويسة والبنت تبقى مدللة من أبوها».

وأكد العوضي أن حديثه لم يكن موجها إلى شخص بعينه، قائلا: «وربنا أعلم بالنيات وأنا مش هخاف من حد»، موضحا: «أنا بس الموضوع مكنتش عاوزه يتشاف إنه يخص حد معين».