السيسي يكشف الحل الوحيد لانتهاء أزمة تخفيف أحمال الكهرباء

علق الرئيس عبد الفتاح السيسي، علي أزمة تخفيف أحمال الكهرباء، وشعورعدد من المواطنين بالانزعاج، في ظل الموجات شديدة الحرارة التي يتعرض لها طقس البلاد.

مشكلة انقطاع الكهرباء وتخفيف الأحمال يكشفها السيسي

وقال الرئيس السيسي خلال افتتاحه عددا من المشروعات جنوب الوادي، من مركز المنارة:"إحنا بنحاول لا نؤذي المواطن الغلبان ولا نمس ظروفه بل ونساعده ، يعني لو الرغيف بـ4 جنيهات فيه ناس ممكن تقدر تشتري بالسعر ده بش مش كل الناس تقدر تشتريه وإحنا متفهمين حاجة زي كده، ولكن في نهاية الأمر الدولة لها موازنة وطاقة مالية متقدرش تتحمل فوق حملها".

السعر الحقيقي للكهرباء وارتفاع أسعار البترول

وأكد:"المواطن لو تم حسابه بالسعر الحقيقي للكهربا تمنها هيزيد أو يتضاعف مرتين، طيب الغلبان يروح فين؟ اقطع الكهربا ولا أغليها؟ وأغليها قد ايه؟ اللي بيدفع جنيه هيدفع 2 او 3 جنيه، لو مواطن بيدفع فاتورة 100 جنيه في الشهر هيدفع 300 جنيه طيب بنعمل إيه، بنشرحها".

وتابع:"انا بتحمل المسئولية أمام الله، وقدامك علشان الكهربا تشتغل 24 ساعة بدون قطع، لازم أخلى تمنها مرتين 3 من سعرها دلوقتي، أنا عندي مشكلة أجيب البترول بالتمن ده، لازم الناس تعرف الحقيقة، وإحنا نعيب علي المعنيين في التقارير الصحفية والمقالات محدش بيتناول القصة بشكل موضوعي، يا جماعة يا إما انتوا مش عارفين يا إحنا مخبيين عليكم، أنا بكلمكم بمنتهى الصراحة، بقولكم الكهرباء ممكن تشتغل 24 ساعة بس بكام؟"

السيسي يتحدث عن أهمية مشروع توشكى

افتتح الرئيس عبدالفتاح السيسي، عبر "الفيديو كونفرانس"، محور شرق العوينات، بطول 655 كيلومترا، وعرض ثلاث حارات مرورية، ليربط طريق توشكى شرق العوينات ليصبح إجمالي طول المحور 1015 كيلومترا.

وعلق الرئيس السيسي على حديث وزير الزراعة، السيد القصير، عرضته قناة إكسترا نيوز، قائلًا: "لم نذهب لتوشكي، وكان ممكن نروح بس وفرنا عشان الموضوع محتاج إداريات كثيرة، وتكلفتها كثيرة، فقولنا خلينا هنا ونتفرج على حصاد القمح من هنا عبر الفيديو".

وقال الرئيس السيسي: “أوجه الشكر للقائمين على تنفيذ المشروعات في توشكي”، ووجه الرئيس بتنفيذ رحلات للشباب للتعرف على المشروعات التنموية في توشكي

و