زينب أبو زيد تكتب : أعذر حبيبك لو غضب وأنت عارف إن معدنه أصيل

المشاعر هي أجمل ما يملك الإنسان، المشاعر ممكن توديك وتجيبك وتغير مسار حياتك .. بس في الغالب هي مبتكذبش.. وبتختلف درجاتها من شخص لشخص ممكن تلاقي شخص حساس اوي بيحب بكل كيانه وشخص تاني عملي اكتر.

والحب هنا مش بس حب الارتباط بالجنس الاخر، ولكن الحب بكل مسمياته "الحب عامة".
وقليل جدا لما تلاقي حد يتحملك وقت غضبك، هيتحملك بس الانسان اللي بيحبك بجد من قلبه وبيضحي عشانك.

عشان كده التراحم مهم جدا في العلاقات لازم نتحمل بعض ونلتمس الأعذار لبعض لان الحياة صعب تمشي على وتيرة واحدة، الحياة يوم كده ويوم كده، يوم حلو ويوم وحش عشان كده لو تعرف حد معدنه أصيل اعذره لو غضب.