مستشفي 57357...

مستشفي ٥٧٣٥٧ المستشفي العظيم اللي بنفخر بيه كلنا امام كل قامات العلم في العالم، مستشفي مثال للطب اللي بنتمناه في مصر كلها …علم وحوكمه وخدمة واحترام للمريض ولاهله وحياته وتعليمه ومهاراته، المستشفي اللي من عام ٢٠٠٧ فاتحه بابها لامتحانات الكليه الملكيه البريطانية بلا مقابل واللي اتخرج منها الالاف من المصريين والعرب .

ومن عام ٢٠٠٧ وحتي الآن والغريب ان المستشفي طول ١٥ سنه محافظة علي نفس المستوي من النظافة والرقي وقمة الطب من عام ٢٠٠٧ وحتي الان وكل اساتذه العالم تحضر الي مصر للتدريس والقيام بالامتحانات ويزهلوا من مستوي الخدمة ومن النظافة ومن الادارة ومن الجوده .

اتذكر اننا حاولنا كثيرا مكافاة من يساعدنا من فريق العمل بالمستشفي وكان الرد دائما وابدا بالرفض " شكرا يادكتوره احنا بتاخد مرتبات بتكفينا وبنساعد حضرتك علشان سمعه مصر وخدمة المصريين "
وفي الجانب الاخر الخدمة علي اعلي مستوي …النظافة حدث ولا حرج …التكييف …الحمامات ….التسهيلات .

كله علي اعلي مستوي ناهيك علي الخدمة ومستوي الاطباء حتي المطبخ يقدم اكل علي اعلي مستوي وبارخص سعر بكل الصدق والحب بدعوا كل مواطن مصري وعربي واجنبي .

تبرعوا من اجلي كلي حزن من اللذين يهاجمون النجاح ويدافعون علي الفشل وسوء النية والاتهام بالباطل للشرفاء الذين ضحوا بالوقت والمجهود والعلم من اجل خدمة الانسان البسيط .

ادعوا كل شريف بالتبرع من اجل ٥٧٣٥٧ وانقاذ اولادنا المصابين بهذا المرض اللعين وانقاذ هذا المثال الذي خدم بكل صدق جميع المرض.