أخونة المجلس القومي للمرأة
د . أشجان نبيل
المجلس القومي للمرأة ومع كامل احترامي لأشخاصه واختلافي الكامل مع سياساتة اللي للأسف بقيت بشوفها إنعكاس كامل لجماعة الإخوان ومع كامل حزني نفس السياسات غير المعلنة والمُعتم عليها عن تعمُد وتعالوا أوضح ليكم ازاي !؟
الإخوان كانوا عايشين بمبدأ أهلي وعشيرتي وفداهية الشعب المصري والمجلس مع الأسف ماشي بنظرية نساء المكتسبات ومن بعدي الطوفان لكن الست البسيطة والغلبانة اللي محتاجة ولا تعرف عنهم حاجة ولا حتي ليها معاهم مكان الأخوان كل اللي كان ضدهم ومختلف معاهم يبقي كافر ومن الأعداء والمجلس كل اللي يختلف معاة يبقي مضطهد حقوق السيدات وعايز يقهرهمالإخوان ليهم رجالتهم ولجانهم الألكترونية الممنهجة وكذلك المجلس لية لجانة وشخصياتة اللي بتستلم أي شخصية تقف قصادهم الله ينور وعلي مختلف الأشكال.
الإخوان أسلوبهم التظاهرات المفبركة واللعب علي حوجة وجهل الناس والمجلس دخل نفس السكة بالمسيرات اللي أتفبكرت بالأمس من سيدات بسيطات مالهمش علاقه لا بالخلع ولا حتي قانون الأسرة الإخوان ممثليهم في الأعلام كانوا بيتسموا بالجهل والغباء ومع الأسف الظهور الأعلامي للمجلس في منتهي العنف والتحريض علي طرف بعينه الإخوان كان هدفهم تفرقه شعب والمجلس هدفه تفرقه الأسرة بالكامل، الإخوان كانت شغلتهم تمرير قوانين علي مزاجهم والمجلس عايز يعمل قانون الأحوال الشخصية علي مزاج الأجندات والمكتسبات وبس.
الإخوان شغلتهم كانت تدمير الأمن القومي والمجلس شغلته تكدير السلم المجتمعي للأسف الأتنين أتفقوا علي تدمير المجتمع ولكن الأخوان بفكرة الأسلام هو الحل ولكن المجلس بفكرة الكلمه الأولي للعنصريه والاضطهاد إحنا مش محتاجين مجالس يديرها ناس هدفهم مصالح شخصيه أحنا محتاجين ناس يبقي هدفها صلاح الأسرة المصريه بجد علشان الدوله حالها كله ينصلح
عندنا ستات مش لاقيه العون ورجاله متداس عليها وعندنا أطفال شقاق بالملايين وعندنا أشباة بقوا منتشرين في المجتمع وميستحقوش كلمه بني أدمين محتاجين نبعد عن أنصاف طرف علي طرف ونفكر في حال الأطفال اللي ملهمش ذنب البهدله في المحاكم بسبب أباء وأمهات ممكن يكونوا من البدايه أساءوا الأختيار.