دكتورة دينا المصري تكتب.. التحرش خطر يهدد كل بيت

التحرش جريمه بتكبر في صمت
التحرش مش بس في الشارع او المواصلات ,
التحرش بقي داخل كل بيت وعن طريق الموبايل والكمبيوتر,
دلوقتي عندنا نوع جديد اسمه التحرش الالكتروني,
والي بييجي علي هيئه رسائل خارجه,
صور غير لائقه,
تهديدات,
او حتي متابعه ولزق علي السوشيال ميديا.
والنتيجه للاسف واحده:
ضحايا بيتعرضو لوجع نفسي كبير,
وممكن كمان يوصل لتدمير حياتهم الاجتماعيه.
...
(اسباب التحرش الالكتروني)
...
الموضوع مش بييجي من فراغ,
في دوافع بتخلي ناس كتير تدخل السكه دي:

*غياب التربيه والوعي:
الي اتربي علي ان البنت هدف اوشيء مباح طبيعي جدا يتحرش.

*الفراغ:
ناس كتير بتعمل كده لمجرد قتل وقت او تسليه.

*الاحساس بالامان الكاذب :
المتحرش حاسس انه مستخبي ورا شاشه محدش يعرف يوصل له.

*غياب العقاب:
طول مالعقوبات مش بتطبق بصرامه,
المتحرش هيحس انه حر.

*مشاكل نفسيه:
في ناس بتفشل في حياتها وبتحاول تعوض نقصها باذية غيرها.
...
كيفية التعامل مع التحرش الاكتروني؟
..
*التعامل معاه لازم يكون بحزم ووعي:

*التجاهل وعدم الرد:
اي كلمه بتتقال للمتحرش بتشجعه يكمل.

*التوثيق:
صور شاشه او حفظ رسائل,
عشان لو اتخذت خطوات قانونيه تبقي الادله موجوده.

*البلوك والريبورت:
كل منصات التواصل الاجتماعي موفره ادوات سهله للحمايه.

*القانون:
في مصر في مواد صريحه بتجزم التحرش الالكتروني.
الحل مش في السكوت,
الحل في البلاغ او المحضر.

*الدعم النفسي:
مهم جدا الضحيه تلاقي حد يسمعها ويدعمها,
عشان متحسش انها لوحدها.
...
(خطوات واقيه مهمه)
..
*مننشرش تفاصيل شخصيه او صور حساسه علي العام.
*نخلي الحسابات خاصه ونحدد مين يقدر يتابعنا.

*نستخدم كلمات سر قويه ونغيرها كل فتره.

والاهم:
نربي ولادنا من صغرهم علي مفهوم الاحترام والمسئوليه.
...
(كلمه اخيره)
...
التحرش الالكتروني مش هزار,
ومش حاجه بتهدي ,
لانه جريمه حقيقيه بتكسر قلوب وتدمر نفسية ناس كتير,
وعشان نقدر نواجهه,
لازم يبقي عندنا وعي وجراءه نقول “لا”ونستخدم القانون ونقف مع بعض,
لان الساكت عن الحق بيدي فرصه للباطل يكبر ويتمادي بالاذى.
الكاتبة والمحررة الإعلامية الدكتورة دينا المصري