الجمعة 20 نوفمبر 2026 04:32 مـ 9 جمادى آخر 1448هـ

رئيس التحرير محمد يوسف

رئيس التحرير محمد يوسف

    آراء وكتاب

    الكاتبة والمحررة الإعلامية الدكتورة دينا المصري

    دكتورة دينا المصري تكتب: عريس مناسب

    محتاجين نأكد على شوية بديهيات من أول وجديد للناس للي داخلين على ارتباط.

    1- إقناع أهل الراجل بيكي، مش مسؤليه البنت إطلاقا، دي مسؤليته هو بالكامل (يقنعهم بالحب، يقنعهم بالخناق، يقنعهم بالفلوس ) هما أسرة مع بعضيهم.

    2- الإعالة والإعاشة المالية بالكامل بتقع على الراجل في الطبقات المتوسطة، وأقصى تدخل للزوجه بيكون في بند رفاهياتها هي.

    3- مستوى اقتدار الرجل ماديا ملهوش أي علاقة بأنه يزود الرفاهيات أو يجيبلك شغالة، المقتدر حاجة والبخيل والحريص والنزيه والكريم حاجة.

    4- عادي جدا راجل يكون مقتدر جدا وبرضو بخيل، وراجل أقل اقتدارًا ونزيه على نفسه وبيته وأسرته وتلاقي مستوى رفاهية أعلى.

    5- الراجل مش هيتقبلك في كل حالاتك زي ما اصحابك بيقولولك، مامتك نفسها مش متقبلاكي في كل حالاتك، فلازم دايما تهتمي بنفسك وتحلوي.

    6- اهتمام الراجل ’بشخصيتك ييجي بعد ما أعجب بأنوثتك، وأي حد بيقولك عكس كده يبقى بيلبسك في الحيط.

    7- الراجل جزء كبير من رجولته مرتبط بالمادة والاهتمام الجسدي والسيطرة على انفاعلاته، وأي حد يقولك عكس كده يبقى برضو بيلبسك.. فاهتم بشغلك ونفسك وتوقف عن خدمات إنت مش مضطر تعملها.

    8- الزواج من مستويات متقاربة اجتماعيا وماديا’ بيزود فرص نجاح العلاقه جدا، وليس كما تقول السردية الرومانسية (ابن البواب حب بنت صاحب العمارة).

    9 - الأمان والهدوء والملل سمات ايجابيه فى الراجل الآمن المتزن ناضج الرجولة.

    10- الانبهار بالراجل المبهر دي redflag قد الدنيا لأنه الإبهار سلوك بيصاحب النسوانجية والتوكسيك والخوازيق، الراجل الآمن مش محتاج يبهرك ولكن محتاج يأمنك أولا.

    11- للرجالة: شوف شخصيتك ايه، وخليك صريح مع نفسك، لو انت شخصيتك قيادية وبطبيعتك حد صدامي، متاخدش واحدة نفس سماتك، شوف واحدة (هادية / مطيعة)، إنما متنفعش تختار نفسك سماتك فتبقو (ديكين فى البيت).

    12- طب لو انت اتربيت مع أم مسيطرة كانت لاغية شخصيتك، شوف واحدة قيادية ومسيطرة تنظملك حياتك وتظبطلك خطواتك القادمة، وسيبك من كلام الناس خليك أمين مع نفسك.

    13- مبنعالجش تورمات الماضى لأي حد، بننصحه يروح لثيرابيست أو كوتش وندعمه معنويًا من بعيد لبعيد.

    14- اللي بيتكلم عن الـ EX بانفعال وغضب وشتيمة دا لسه متعلق تعلق سلبي ولم يتعافى.

    15- اللي بيتكلم عن الـ EX بحنين ورغبة في الرجوع وكلام كله نوستالجيا، برضو لسه لم يتعافى ولم يتخطى.

    16- اللي بيتكلم عن الـ EX بهدوء وعدم انفعال وبيقر بأخطاءه وأخطائها وبحيادية عاطفية دا تعافى وبقى زى الفل.

    17- مدة الانفصال ملهاش علاقة بمدة التعافي، في الغالب المطلقين بيكونو منفصلين عاطفيا قبل الطلاق نفسه بفترة طويلة، فمستغربوش حد اتجوز بعد الطلاق بشهور، هو فعليا منفصل من سنين مثلا.

    18 - الإكس لو عايز يرجع واختفى سبب الانفصال ونضج بالتجربة سواء تجربة الانفصال نفسها أو تجربة بعدك ادوله فرصة عادي، متخافوش.

    19- إحنا بنتجوز اللي يناسبنا مش اللي نفسنا فيه، فمترفضيش عريس مناسب لمجرد إنك بتوهمى نفسك إنه في المستقبل هيجيلك حد أحسن.

    20- دراسة اتعملت (77 % من الجوازات اللي تمت من 2020 لـ 2025 كانت عن طريق السوشيال ميديا و16% لفئات اجتماعيه وعائلية وتظل الـ dating apps أقل نسبه لا تتعدى 4%، متخيلين، فمتكهربوش نفسكوا واتعرفوا على ناس عادي واخرجوا برضو وقابلوا ناس، إلا لو انتوا محافظين جدا أو شديدي الانغلاق، وهنا اطلبو ترشيحات عادي، متقلش منكوا،

    21- الطاعة وسمع الكلام سمة شديدة الأنوثة بالنسبه للرجالة القوية الآمنة القيادية، لأنها شكل من أشكال ممارسة الحماية بالنسبة له.

    22- القيادة والسيطرة وإنك تمشي كلامك سمة شديدة الأنوثة بردو، بس عند الرجالة اللي بتميل للخضوع وطلع من بيت كانت مامته هي اللي بتقود البيت ودا ميقلش منه ولا من مامته ولا من والده، كل علاقه ليها الـ dynamics بتاعتها اللي بتنجحها.

    الكاتبة والمحررة الإعلامية الدكتورة دينا المصري

    ⇧

    استطلاع الرأي

    أسعار العملات

    العملة شراء بيع
    دولار أمريكى 49.3414 49.4414
    يورو 53.7723 53.8961
    جنيه إسترلينى 62.9153 63.0675
    فرنك سويسرى 56.0507 56.1898
    100 ين يابانى 33.3726 33.4470
    ريال سعودى 13.1553 13.1826
    دينار كويتى 160.5278 160.9055
    درهم اماراتى 13.4325 13.4633
    اليوان الصينى 6.8549 6.8693

    أسعار الذهب

    متوسط سعر الذهب اليوم بالصاغة بالجنيه المصري
    الوحدة والعيار الأسعار بالجنيه المصري
    عيار 24 بيع 3,629 شراء 3,686
    عيار 22 بيع 3,326 شراء 3,379
    عيار 21 بيع 3,175 شراء 3,225
    عيار 18 بيع 2,721 شراء 2,764
    الاونصة بيع 112,849 شراء 114,626
    الجنيه الذهب بيع 25,400 شراء 25,800
    الكيلو بيع 3,628,571 شراء 3,685,714
    سعر الذهب بمحلات الصاغة تختلف بين منطقة وأخرى
    مصر 24 أول خبر المطور بوابة المواطن المصري حوادث اليوم التعمير مصري بوست

    مواقيت الصلاة

    الجمعة 04:32 مـ
    9 جمادى آخر 1448 هـ 20 نوفمبر 2026 م
    مصر
    الفجر 04:54
    الشروق 06:24
    الظهر 11:40
    العصر 14:37
    المغرب 16:57
    العشاء 18:18