حمادة هلال: أغاني المهرجانات موضة وبموت في ”مافيا” لمحمد رمضان

أكد النجم حمادة هلال، أن اغاني المهرجانات موضة حديثة حيث تظهر مع كل فترة موضات فنية جديدة بينما الراب قديم، قائلا: "اغاني المهرجانات موضة والراب قديم وطلع دلوقتي التراب وويجز صحبي جدا ومن شلتي وهما مجموعة شاطرين جدا وبنفكر في افكار نعملها مع بعض".

وعبر النجم حمادة هلال، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، عن أمنيته تقديم أغنية بلهجة خليجية، مضيفا: "اتمنى اغنى غنوة خليجية واشتغلت كذا حاجة ولكن عايز حاجة تليق عليا قوي ونفسي اغنى بطريقة المغرب العربي".

وعن رأيه في النجم محمد رمضان، رد قائلا: "اغاني محمد رمضان ناجحة وأنا بموت في اغنية مافيا وهو خد سكة حلوة ومش طول الوقت هتفضل تعمل حاجات تمام، وتمثيل محمد رمضان يفوق أى شيء في اغانيه وهو شاطر وكويس على المستوى الانساني وبار بأهله".

و

كشف الفنان حمادة هلال، عن أن أغنية "بشوقك" التي غناها النجم تامر حسني هي غنوته من البداية وعمل عليها لمدة 6 شهور، قائلا: "اغنية بشوقك دي غنوتي قعدت اشتغل عليها 6 شهور اشتغل عليها وتعبت فيها والملحن والمؤلف عارفين كويس وانشغلت في مرض امي حوالي اسبوعين".

وأضاف الفنان حمادة هلال، أنه بدأ يتكلم بعد الاسبوعين لتنفيذ الأغنية وفوجئ بأن الأغنية ذهبت في اتجاه تاني، متابعا: "كلمت فريق العمل وقلت لهم دي غنوتي وحقي ده حرام وفجأة راحت فى حته تانية".

واستكمل: "أنا كنت فرحان بالأغنية دي، وكنت اقدر أزعل اللي حولوا مسار الأغنية وكنت ممكن انزل تاني يوم بها على السوشيال ميديا ولكن استعوضت وربنا عوضني بعدها علطول بأغنية اشرب شاي وكسرت الدنيا وبقت غنوة واعلان".