حمادة هلال: حسن شاكوش صوته حلو جدا ومعجبنيش طريقة مشكلته مع رضا البحراوي

أكد الفنان حمادة هلال، أن مطرب المهرجانات حسن شاكوش صوته جيد للغاية بالموسيقى أو بدون الموسيقى، قائلا: "حسن شاكوش ارتبط مع الناس بطريقة غناء معينة وهو بذكاءه عجب الناس ومكمل فيها، وصوته بيغني صح وصوته حلو وعنده طبقات كبيرة".

وعلق الفنان حمادة هلال، خلال حوار ببرنامج "حبر سري" مع الاعلامية اسما ابراهيم، على قناة القاهرة والناس، على مشكلة حسن شاكوش ورضا البحراوي قائلا: "أنا سمعت مقاطع فيديو متبادلة بينهم ولكن مشوفتش بعينيا وعلاقتي بكل الناس كويسة".

وتابع: "أنا معرفش مين فيهم اللي غلطان رضا ولا شاكوش، ولكن اللي معجبنيش فى كل ده الفيديوهات المتبادلة بينهم اللي بعد المشاكل ولحظة الغيظ بيبقى في غضب كبير".