النائبة أميرة العادلي صاحبة صورة التدخين في المدرجات: "بشرب سجاير من سنين ..ومش هبطل"

ردت النائبة أميرة العادلي عضو مجلس النواب عن تنسيقية شباب الأحزاب والسياسيين، على الصورة المنتشرة لها عبر مواقع التواصل الاجتماعي، والتي تم التقاطها أثناء تواجدها بمدرجات المنتخب المصري لتشجيع المنتخب المصري أمام نظيره الكاميروني في ضمن منافسات كأس الأمم الأفريقية التي تقام بالعاصمة الكاميرونية ياوندي.

بكري: الجماهير العربية دعمت منتخب مصر في الكاميرون بشكل غير مسبوق بدلا من الأحد.. مجلس النواب يعدل موعد انعقاد جلساته العامة

جاء ذلك في منشور نشرته النائبة عبر صفحتها الشخصية فيس بوك قالت فيه: “طيب عشان نخلص من القصة والرسايل الكتيري...ايوة دي صورتي ..ومش مضايقة ولا مهتمة بالموضوع .. انا بشرب سجاير ومن سنين ومش مخبيه ده اصلا..ومش هاابطل السجاير واكون انسان جديد عشان انا بحب أدخن..عادة صحية سيئة بس بحبها ..زي اللي بيحب الأكل الدسم كده بيتخن وغلط علي الصحة بس بيحبه”.

 

وأضافت: “ببساطة مواطن مصري زملكاوي بيشجع كورة من الطفوله وبيحضر ماتشات فريقه ومنتخب بلده ديما في الدرجة التالته مش المقصورة ولا الدرجة الأولي..بيفرح ويعيط ويتعصب ويزعق ويطنط ويهتف ويغني و بيأكل ويشرب ويدخن سجابر عادي جدا.. معلوماتي إن علب السجاير مكتوب عليها لا تباع لأقل من 18سنة...بغض النظر عن نوعه أو شغلنته أو ديانته”.

 

واختتمت: "التدخين ضار جدا بالصحة ومانصحش حد يدخن ..غير كده.. انا بدخن وبحب أدخن ..وانا حرة في عالم حر.. فا نفكنا بقي من الكلام الاهبل ده ..ونشجع منتخبنا يوم الأحد وإن شاء الله الأبطال يرجعوا بالتامنه ويفرحوا مصر كلها".