شيرين رضا : "أنا لست ضد المشاهد الساخنة طالما متوظفة صح"

علقت الفنانة شيرين رضا، على مشهد قبلة الفنان خالد النبوي لها في نهاية فيلم "قمر 14"، قائلة: "مش عايزين نحرق الفيلم".

رأي شيرين رضا في مشاهد القبلات والأحضان

وأضافت خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "القبلات والأحضان لو متوظفة صح في مشاهد السينما هتبقى مظبوطة، وأنا لست ضد المشاهد الساخنة طالما متوظفة صح".

وعن الفنانين الذين يرفضون القبلات والمشاهد الساخنة في الأفلام، علقت شيرين رضا: "طب ليه بيشتغلوا في الفن ممكن يشتغلوا في الراديو، والراديو مش لازم يمسكوا حد، ومصطلح السينما النظيفة دي شتيمة لأنه بيشتمنا كلنا يعني اللي ما يعملش غير كده يبقى قاصده إننا مبتذلين أو سمعتنا وحشة، السينما تبين الواقع وحياتنا كبني آدمين، ومش بنعمل حياة البقرة، والست لما بتشوف ابنها اللي بقالها 20 سنة ما شفتهوش ينفع تسلم عليه بس ده خطأ".

وكانت أجرت الإعلامية ريم ميلاد حوارا مع النجمة شيرين رضا ببرنامج "Et بالعربي" بعد إعلان ابنتها نور عمرو دياب خطبتها، وعلقت شيرين رضا على الخطوبة وقالت: "باركت لنور على الخطوبة بس ما باركتلهاش على السوشيال ميديا ودي بنتي بنتكلم أنا وهي في اليوم ٥٠ ألف مرة وبحب أن كلامي معاها يبقى برايفت بيننا".

 

ووجهت شيرين رضا رسالة لنور عبر البرنامج السعودي et بالعربي ونصحتها أن تكون سعيد وقالت: "أحب أقول لها تنبسط ومتسمعش كلام الناس السخيفة اللي بتحط تعليقات سخيفة من ناس ما تعرفناش ومعرفش إحنا مين ولا بنتكلم إزاي فتركز في حياتها ومتركزش مع الناس ويارب حياتها تبقى سعيدة".