والد حلا شيحة ينهار من البكاء : حاسس بطعنة كبيرة

وجّه الفنان التشكيلي أحمد شيحة رسالة لابنته حلا شيحة بعد المنشور الذي كتبته مؤخرًا وتعرضت بسببه لهجوم كبير حول حديثها عن الفن وتحريمها له.

وقال أحمد شيحة باكيًا خلال مداخلة هاتفية مع الإعلامية لميس الحديدي في برنامج “كلمة أخيرة”: “اعتذري لمصر كلها عن اللي كتبتيه، أنا حاسس بطعنة كبيرة، حلا كانت نموذجًا للبنت المصرية والفنانة الموهوبة مش أنا اللي بقول الدنيا كلها قالت”.

وأضاف: ”بنتي طيبة ونيتها طيبة وليست خبيثة ومحبة لكل زملائها من قلبها”: ”إيه فكرة البوست اللي نازل بعد ثلاثة أسابيع من عرض فيلم ”إلا أنا”؟.. إيه النتيجة بتاعته؟ بوست مجاني معمول كده عشان الناس تهاجمك؟ ده كمين معمول للبنت”.

وردًا على سؤال لميس الحديدي، كمين معمول من مين؟ قال: ”لازم نتريث لحد مانعرف عشان مانهجمش على البنت الهجوم الفظيع ده ونظلمها، نافيًا أن يكون قد قام بمهاتفتها بعد ”البوست”.

تابع: ”والله أنا زعلان وضد البوست ده ومؤيد بيان نقابة المهن التمثيلية بس عاوز نتريث عشان نعرف من وراء هذا الأمر، لن أسمح باختطاف حلا بأي حال من الأحوال وهقف ضد أي حد أي الدنيا مهما كان، عمرها ماقالت أن الفن حرام لا زمان ولا دلوقتي حتى لو اتحجبت”.

وتابع باكيًا، قائلًا: ”يابنتي زي ماقلت لك عندما يكتمل إيمانك هتعرفي إن كل الكلام ده مالوش علاقة بربنا، الله هو الجمال والإبداع والابتكار، يا حلا اعتذري لمصر كلها على اللي كتبتيه”.