هجوم جمهور السوشيال ميديا علي سعد الصغير بسبب فيديو أطفال الشوارع .. والأخير يرد

رد الفنان سعد الصغير، على الانتقادات التي تعرض لها خلال الساعات الماضية، بعد قراره تبني طفلين من أطفال الشوارع، التقى بهما في بث مباشر.

سعد الصغير مع أطفال الشوارع

وانهالت التعليقات الهجومية على سعد الصغير بعد اتخاذه قرار التبني، بأن هدفه من إظهار الأطفال معه ليس فعل الخير، ولكن من أجل الظهور على الساحة وركوب التريند، حيث علق أحدهم قائلًا: يا عم سعد انت عامل نفسك بتعمل بث مباشر، وأنت عارف ومتأكد إنك أنت عايز تعمل تريند على الأطفال دي… بس ملهاش لازمة على فكرة…لو أنت بتعمل خيرالمفروض أنا وغيري معرفش عشان مشاعر الأطفال دي بعد ما تكبر…كل الفنانين كده أي مختفي على الساحة اليومين دول يعمل حاجه شبه كده.

سعد الصغير يرد على منتقديه

ورد سعد الصغير عى التعليق قائلًا: صباح الفل أنا كان عندي شغل بالليل في الاسكندرية، رايح البحر وطالع لايف من وأنا في البيت بس لو حضرتك شوفت منظر الأطفال متقولش أنهم أطفال عايزين يعملوا كده تحس أنهم مغصوبين يناموا في الشارع في عز الشمس على الكورنيش.

وأضاف سعد الصغير ردًا على منتقده قائلًا: حتى أنا في اللايف ماكنتش بصور، ومطلعش وشهم ده حاجة تانية… اللهم لك الحمد مش أنا اللي احتاج تريند علشان الحمدلله ربنا كرمنا بكرم في الاستمرارية، والنجاح من أول ما اشتغلت ده الحاجة الثانية لو حبيت تشوف الأطفال عندي في البيت زي اولادي.

كما كتب منتقد آخر قائلًا: هو لازم النت يعرف ونصور ونتفشخر ما انت ممكن تعمل أكثر من كده من غير سوشيال ميديا برضه.. وربنا هو اللي شايفك ولا لازم واووو ده سعد الصغير بيساعد…يعني عيب والله انت زيك زي اللي بيدي لحمة ف العيد للغلابة ويقول صورني اني بعطف عليهم.

سعد الصغير يرد على منتقديه

ورد سعد الصغير عليها قائلًا: تحياتي ليك لا تعلم مايعمل في السر بس للأسف بتتكلم عن مشكلة الأب والأم يرمي أولادهم علشان الاهمال من أطفال صغار ليس لهم ذنب في الدنيا لأطفال شوارع…كل طفل ينام في الشارع مش بيأكل، ولا في أي سوال ولا جواب على هذه الأطفال دي حاله وكمان مش أنا اللي بعرضها الجمهور اللي عرض أنا بالنسبة لي ـعمل الخير فقط وياريت نساعد كلنا في الخير مش نكتب كومنتات فقط.