الثلاثاء 2 مارس 2021 10:36 مـ 18 رجب 1442هـ

رئيس مجلس الإدارة فكرى الهوارى رئيس التحرير محمد يوسف

رئيس مجلس الإدارة فكرى الهوارى رئيس التحرير محمد يوسف

ثقافة

أنا مش بعرف أكتب شعر

المشهد الأول

شكيت همي لنجوم الليل وموج البحر..
سهرت وملِّت الأرض اللي شالتني وانا بشكي
ودارت بيا كالسكران وضاع عقلي اللي كان ملكي
وانا مازلت حتي الان بدون عقلي ويدوب بشكي.. وهعمل ايه.. م انا مش بعرف اكتب شعر
ولا حبي اللي جوايا يكفيه الكلام بالشهر
ف غصبا عني هتحمل. وهتقبل. غرامي اللي اتحكم عنه
يعيش عمره كدا ف السر
وأشواقي اللي فضحاني وعجز لساني عن قولي بإن الضحكه عجباني. يزيد المر
وفكرة ان انا عارفك تحبي الشعر
الشعر. اللي لقتني بيه. انا جاهل. دا وحده أمرّ
يمر الكل علي قلبي ووحده يمر
وطيف صورتك بيعصاني وما بيمر
وبيعاند ويتعند وما بملك عليه الأمر
وبتعشم وبتكلم وبلقي سراب وبتألم
ويشبه عشقي ليكي الخمر .
تطوف صورتك علي بالي يزيد السُكر
لا عايز ينتهي قلبي ولا بعرف كدا اخبي
ولا حتي بنول الستر
وعايز اعترف اني بحبك حتي لو لحظه. ولكني ويخساره مبعرفشِ. أقولك شعر

وعايز احكي عن اني بحسك من غير م اكون شايفك
ومن صوتك بكون عارف ملامحك. وان انا عارفك
ولو كل اللي حواليكي شافوكي وقالو طبيعيه عنيا تقولي اي مضايقك
وببقي كتير بقربلك . ولما تكوني متضايقه انا اصالحك
وجيتلك ألف مره بورد وأقسمت إن أنا أصارحك
والاقيكي تقولي فلان صبح شاعر وانا قلبي اليه شاري
وحبي ف قلبي متداري وبضحك. والجفا ناري ويقتلني . ......وبضحكلك
ولو ع الصبر في حبك انا ايوب وهصبر لأن يمل الصبر
وراضي اني اعيش مجروح واموت مجروح فدا راحتك و لو راحتك فداها العمر

ونفسي اقول انا بحبك وشوقك جوا قلبي جمر
ولاكني علي جهلٍ بترتيبِ الشعاراتِ وسردَ الشعر


المشهد التاني
سألت كتير ودلّوني علي شاعر. يعلمني كتابة الشعر
قريت وسمعت واتعلمت. ولُقنت القصائد عشر
كتبت ف وصف ليل بعدك
وفرحي لما اكون قربك
وقدري اني اكون قدرك لحد الفجر
ونورك اللي انار دربي وانار دربك
وربي الخالق المبدع وربك
وجيت أكتب بحبك. فجأه جف الحبر
وانا علي عهدي ياعمري. ألا أمل الصبر
وقررت اني هقولهالك بنفسي. وهنشدلك كمان الشعر

وعدي الليل كما المغصوب علي أمره. ولا ارتاحت جفوني . يعدي ازاي وكان حالف علي جنوني
ولما بقيتي قدامي وعينك باصه ف عيوني
نسيت كل اللي كان علي بالي قبل م تيجي بدقيقه
ولقيت نفسي بقربلك. واقربلك وازيد ف القرب
وشايف نفسي ف عنيكي. وشايف رعشه ف اديكي. وزهول طاغي علي ملامحك. ساعتها بدون كلام او شعر عرفتي اني سجين قلبك. وحبيت السجون ف الحب عشان السجن كان قلبك
وطمنتك بمسكة إيد وعرفتك. بإن الحب مش بالشعر وعلمتك بإن الحب عمره م كان. بنهي وأمر
وحبيتيني من قلبك. ساعتها عرفتي ان انتي بنيتي الحب والواقع علي أوهام. لأن الحب مش بكلام. دا ف الشعر اللي انا حفظته. مافيش شاعر عرف يوصف. حبيب بكلام يا سكناني وملكاني
بحبك شئ أكيد طبعا
مليش غيرك حبيب تاني
بحبك......

ويسألُني الليلُ أن هوّن علي قلبك.. فما للقلب بعد الفرح من باقْ

استطلاع الرأي

أسعار العملات

العملةشراءبيع
دولار أمريكى​ 15.638315.7383
يورو​ 19.278919.4085
جنيه إسترلينى​ 21.276021.4057
فرنك سويسرى​ 17.821517.9436
100 ين يابانى​ 15.187315.2888
ريال سعودى​ 4.16874.1955
دينار كويتى​ 51.533451.9348
درهم اماراتى​ 4.25714.2851
اليوان الصينى​ 2.42182.4388

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار الأسعار بالجنيه المصري
عيار 24 922 إلى 925
عيار 22 845 إلى 848
عيار 21 807 إلى 809
عيار 18 692 إلى 693
الاونصة 28,683 إلى 28,754
الجنيه الذهب 6,456 إلى 6,472
الكيلو 922,286 إلى 924,571
سعر الذهب بمحلات الصاغة تختلف بين منطقة وأخرى

مواقيت الصلاة

الثلاثاء 10:36 مـ
18 رجب 1442 هـ02 مارس 2021 م
مصر
الفجر 04:54
الشروق 06:20
الظهر 12:07
العصر 15:26
المغرب 17:54
العشاء 19:12