مارسيل جمال مؤسسة جروب الجيش البمبي: هدفى مساندة بنات مصر.. صور

قالت مارسيل جمال، مؤسسة جروب "الجيش البمبي"، علي مواقع التواصل الاجتماعي "فيسبوك"، إن فكرة تأسيس جروب "الجيش البمبي"، جائت بالصدفة، خاصة وأن هناك عدد كبير من البنات تثق فيا، وبتحب تأخد رأئى، وبيحكوا ليا مشاكلهم، وكنت بحلها معاهم، وأقترح إنشاء الجروب، والبنات اللى عندها مشاكل بتدخل تحطى مشكلتها، وبيتم أخفاء شخصيتهم الحقيقة وكلهم بيدخلوا باسم "عزيزة"، والبنات بتطلع لايف معايا صوت تحكى مشكلتها تحت اسم مستعار "عزيزة".

وتضيف مارسيل جمال، كل يوم بيطلع معايا بنات تحت مسمى مستعار "عزيزة"، وكل واحدة لها حكاية مختلفة، وبفكر معاهم فى حلول، مشيرة إلى أن البنات اللى معاها فى الجروب بقول عليهم بناتى، بالرغم أنى مشوفتش حد منهم في الواقع بس من مواقفي معاهم ومواقفهم الحلوة مع عزيزة ومساعدتهم ليا ودعمهم النفسي حتي لو بالكلمة الحلوة ساعات كتير الست وقت تكون عندها مشكلة بتحتاج كلمة حلوة وفي عروسة مرة مكنش ليها حد الفضل كله يرجع ليهم بناتي الأعزاء بنات "الجيش البمبي" وقفو معاها وطلبو مني شخصيًا أني مقولش اسم واحدةه فيهم ليها عشان يكون ثواب عند ربنا.

وأكد مارسيل جمال، أن آخر مشكلة تم عرضها عليها، لعزيزة، كانت مشكلة كبيرة، وجوزها كان محامي دخلت عندي من شهر طلبت رائيها في معاملته الوحشه ليها وأنه مش بيصرف عليها هي وعياله وأنه بيضربها قولت ليها هنوفر ليكي شغل ونشوف سكن بسعر رمزي وتطالب بالطلاق وده كان بعد أراء بنات الجروب إللي فيهم ستات من سن أمي يعني خبرتهم في الحياه كبيرة وللأسف عزيزة رجعت لزوجها وجت ليا بعدها بعشر أيام جوزها ضربها وكانت هتموت ضربها بالسكينة بعتت ليا صورتها علي الماسنجر وأنا وقتها كنت لايف بالصدفة وبسرعة اتصلت بيها طلبت منها في الوقت ده أنها تطلع بنفسها وبشكلها وتحكي حكايتها وكان الوقت تقريبا الساعه 4 الفجر والحاضرين في اللايف 300 بنت تقريبًا وبالفعل طلعت تريند في ربع ساعة بفضل ربنا ثم البنات عملنا استغاثه وشير والحمدلله عزيزة المرة دى بقت قوية وقالت في لقاء ليها أن تشجيع الجروب ليها خلها تكون قوية.

وأضافت، مارسيل، وأخيرًا تواصلت معايا "عزيزة"، وهى شخصية جديدة أخرى لها مشكلة، لكن دي موضوعها غريب عليا وأن شاء الله اقدر أساعدها وهي عزيزة اللي مولده بعيب خلقي ومسجلة ولد لكن هي أنثي ومحتاجة تعمل عملية تصحيح ومحتاجة أوارق صحيح الموضوع جديد عليا والحل فيه هيكون صعب بس أن شاء نوصل لحل ونساعدها.

وأكدت مارسيل جمال، أنا ست بسيطة جدًا ومن أسرة مصرية بسيطة ودخلت الفيسبوك في البداية زي أي ست عادية وحبيت أشتغل ومن خلال شغلي أونلاين في بدايتي في الفيسبوك عرفت ستات كتير وأصبح ليا من خلال ظهوري في للايفات أصدقاء وبعدها تحول إلي فانز علشان العدد كبر بنضحك وبنهزر وزي أي حد ليا أخطائي أنا مش ملاك عشان هما يثقوا فيا لكن أشعر أني قريبه إلى قلبوهم وحبوني وشجعوني أكمل في الجروب وأطلع عزيزة، تحكى مشكلتها، والحمد لله بنحل كل المشاكل التى تعرض فى الجروب، مشيرة إلى أن هدفها فى الجروب هو دعم ستات مصر، ومساندتهم.

مارسيل جمال، جروب الجيش البمبي، الجيش البمبي، ستات مصر، بنات مصر، اخبار مصر، جروب فيس بوك، جروب بنات الجيش البمبى