رسائل السيسي للمصريين : المياة حياتنا ..متقلقوش ..بحلم 100 مليار تصدير.. مش عايزين نضطر  نرجع اجراءات كورونا تاني..سكان الشربتلي ..الكل هياخد حقة ..لا ضر ولا ضرار .

شدد الرئيس عبدالفتاح السيسي، على ضرورة تعويض سكان عمارة الشربتلي في حي الزمالك.وقال السيسي، خلال افتتاحه المدينة الصناعية بالروبيكي: «علينا نعوض الناس فلا ضرر ولا ضرار على احد»، وأكمل: «نعيد كل حاجة كما كانت، سواء للعمارة أو لسفارة البحرين، نعمل كل المطلوب» .

قال الرئيس عبدالفتاح السيسي، إن موضوع المياه بالنسبة لنا هو حياتنا.

 

وخاطب «السيسي» المصريين قائلاً: «موضوع المياه بالنسبة لنا حياتنا.. بأطمنكم علشان عدالة القضية، قضيتنا عادلة في موضوع المياه».

 

وتابع «السيسي»: «مطلبنا في المياه بيثبت عدالته هرم الجيزة، دي مياه بتجيلنا من ربنا من آلاف السنين، واتبنت عليها حضارتنا».

 

وأوضح «السيسي»: «نقول دائماً لأشقائنا في إثيوبيا والسودان أننا حريصون عليكم وحريصين على عيشتكم زى عيشتنا».

 

وواصل الرئيس حديثه: «من حقكم توليد الكهرباء، زى ما أعلنتوا إن ده السبب وبنتمنالكم التوفيق بكل حب وبنوايا طيبة بشرط ألا يؤثر ذلك على المياه التي تأتي لنا، وتحدثنا في ذلك كثيرا في اللقاءات الثنائية والثلاثية».

 

ولفت «السيسي» إلى تفهمه قلق المصريين، مشيراً: «المصريين قلقانين وأنا بأقول قلقكم قلق مشروع، وأنا معاكم فيه، لكن كل ما تقلق وتخاف اشتغل أكترعلشان تبقى جامد وتبقى قوي وقادر، كل ما تشتغل أكتر كل ما هتبقى قوي أكتر وماحدش هياخد حقك منك».

 

وأردف «السيسي»: «ما تهددش وتقول كلام مالوش لازمة، أنا بحترم كل رأى لكن ماحددش يقول النهاردة هنعمل كذا وكذا».

 

وتطرق الرئيس إلى ما يردده البعض من آراء بشأن عمل عسكري، قائلاً: «إحنا بنتفاوض ودي معركة هتطول لإننا مش هنمضي على حاجة مش هتحققلنا مصلحة، المصلحة بتقول كلنا مستفيدين والضرر يكون مقبول علينا كلنا».

قال الرئيس عبدالفتاح السيسي إن مصر تعمل على إحلال كامل لمعدات مصانع المحلة الكبرى خلال عامين.

 

وتابع : «مصر لديها قدرات كبيرة، وأن ما تحقق الفترة الماضية خطوة على الطريق ولكن قدامنا لسة مسيرة طويلة، أنا بحلم بحجم تصدير 100 مليار دولار، منعملش كده ليه، خلال سنتين..3 اربعة القادم، كلنا مش هنام ومش هنرتاح سواء العاملين، الادارة أو الوزارات المسئولة».

 

وأكمل: «أي خلل في ادارة المنشآت الصناعية سيؤدى لآن تصبح عبئاً وخرجها من خطط الانتاج».

طالب الرئيس عبدالفتاح السيسي، المصريين بضرورة المواصلة على تطبيق إجراءات التباعد الإجتماعي للوقاية من فيروس كورونا.

 

وقال السيسي،: «الاجراءات الاحترازية علينا أن نستمر عليها بوعينا وبحرصنا خلال الشهور اللي فاتت ربنا سلمها علينا ووصلنا لرقم كبير وبدأنا ان الرقم يتناقص، مش عايز التفاؤل بتراجع اعداد الاصابة يخلينا نقلل إجراءاتنا».

 

وتابع: «عملنا اجراءات صحية متوزانة مع اجراءات اقتصادية لمصالح الناس، مش عايزين نضطر إننا نرجعلها تاني»قاصداً على الاجرااءت المشددة التي تم إتخاذها لمواجهة كورونا«، لا قدر الله علشان صحة المصريين وسلامتهم.. لو حصل حاجة سنرجع للإغلاق ونأخذ إجراءات صعبة، بحرصنا ان نساعد على ننخفض الاصابات ومنزدش تاني».

 

وتابع: «من فضلكم ما امكن ممارسة الرياضة في مواجهة لدعم المناعة، كلنا عارفين أن نتيجة الاغلاق وزننا زاد شوية، الناس هتستغرب أن بقول كده، بس أنا بقول لازم كلنا نلعب رياضة دائماً».

 

 وكان السيسي قد افتتح  6 مصانع جديدة للغزل والنسيج، بمدينة الروبيكى.

 

ويضم المجمع الصناعى الجديد بالروبيكى في مرحلته الأولى 6 مصانع، هي مصنع الغزل الرفيع وآخر للغزل السميك، و3 مصانع لتحضير النسيج وللنسيج الدائرى والمستطيل، وآخر للصباغة والطباعة، مجهزة بأحدث الماكينات التي تم استيرادها من أكبر وأهم الشركات العالمية المتخصصة في هذا المجال، لتعمل وفق أحدث النظم والبرامج التكنولوجية.