بيتر ميمي وأحمد السعدني لنجل البزاوي: والدك أهم من البوست الدعائي

نشر نجل الفنان محمود البزاوي، علي إحدي المواقع الالكترونية ،بعد الكلمات التي هاجم بيها صناع فيلم «كازابلانكا»، والذي شارك فيه والده الفنان محمود البزاوي، أعتراضًا منه علي نشر البوست الدعائي للفيلم بدون صورة والده.

مما أثار الجدل بين متابعين الفنان ، خاصًا بعد أن علق أكرم محمود البزاوي، علي افيش الفيلم قائلًا:"مبدأيا ابويا ماعندوش اي فكره عن البوست ده، انا ابويا طيب ويمكن طيبته  هي اللي كانت سبب في تأخير نجاحه".

وأضاف «أنه كتب من الباطن كتير مثلا زي ما قولت قبل كده وكان دايما بيعمل حاجات وتنجح ومفيش حد يعرف انه لي دور في نجاح العمل ده بس اللي كان بيصبره ان ربنا هيعوض وبعد ما قدر يوصل بدراعه للي هو فيه لسه في ناس مش مقتنعه بي.. بس ده حقهم لان مفيش حد عليه اجماع بس طالما مش مقتنع بحد يبقى ماتحرجوش وابعد عنه احسن لأنه في نظرك مش الشخص اللي يفيد في رأي الشخصي ناس كتير بتعرف تتصور بس مش الكل بيعرف يمثل".

 

وتابع« وآسف لو كنت منحاز أوي في كلامي لابويا بس زي ما قولت ده أبويا اللي نجاحه بيسعدني أكتر ما بيسعدني نجاحي، ملحوظة أبويا قالي إنه عامل دور مهم في الفيلم ده.. ويمكن بيكدب عليا وطالع كومبارس.. ساعتها هاتأسف على البوست».

 

وجاءت ردود كثيرة من النجوم علي هذه الكلمات الهجومية علي صناع الفيلم،وقد قام بالرد علي نجل الفنان محمود البزاوي، المخرج بيتر ميمي قائلًا:"يا أكرم عيب الكلام ده، أبوك أهم من بوستر وأهم من الفيلم كله علشان تقول كلام زى ده تصغره، مش بوستر مبدئى يخليك تحس بكده، ده محمود البزاوى صلاح بيه الطوخى والبوسترات بتختفى بعد شهور وبيفضل الفيلم".

 

وسارع أكرم نجل البزاوي، بالرد علي المخرج بيتر ميمي قائلًا له:"حبيبي يا استاذ بيتر انا مش قصدي اصغر ولا اكبر ويمكن أنا مع اللي بحبهم مش بس أبويا كده.. أنا مشكلتي مش مع البوستر والله خالص.. أنا بالضبط زي اللي بيجيبوا أبويا في برنامج مثلا ويقولوا في البداية مساء الخير استاذ محمد البزاوي.. طالما عايز محمد جبت محمود ليه".