توفيق عكاشة: "الممثلة بتاخد 30 مليون جنيه.. هي بتعمل إيه؟" (فيديو)

انتقد الإعلامي توفيق عكاشة، أجور الفنانين والممثلين المرتفعة التي تصل إلى ملايين الجنيهات، قائلًا: "لما يكون إحنا نحمل أعباء كثيرة ونتحمل عشان الوطن وتبجي ممثلة تاخد 30 مليون جنيه، في 34 حلقة ليه هي بتعمل إيه؟".

 

وأضاف "عكاشة"، خلال برنامج "مصر اليوم"، المذاع على قناة الحياة  قائلا :" هي الممثلة دى بتعمل إيه وما هو المصنع التي تؤديه ؟.. نعم هي تؤدي وتقدم لنا فن راقي وكل شيء على أعصابها نعم موافقين ".

 

وتابع :" لا يجوز أن يكون مبيض المحارة أو النجار اللي بيتعب طول اليوم وبياخد يومية لا تتجاوز 175 جنيه، بينما  الممثلة  تبقي نايمة في بيتها وعايزة مليون جنيه يومية؟".

 

واستطرد قائلا :"هتقوليلي أنا ما بشتغلش طول السنة، وأقدم مسلسل واحد طوال العام  طيب .. لو حسبنا الـ 30 مليون على شغل 3 شهور، بتاخدي 83 ألف جنيه في اليوم وإنتي نايمة في حمام البخار".