الجمهور يبارك لـ”سمر نديم” عبر فيسبوك بعد إنجاب طفلها ”زايد”

أعلنت زهرة مصر سمر نديم، عن إنجابها مولوداً وأطلقت عليه اسم "زايد". ونشرت عدد من الصور ل ابنها برفقة زوجها وعدد من الأقارب والمحبين لديها والطاقم الطبي، وذلك عبر حسابها على الصفحة الرسمية لها موقع التواصل الإجتماعي «الفيس بوك»، لتنال العديد من المباركات والتهاني من قبل رواد السوشيال ميديا حيث علقت عليها قائلة: "رزقني ربنا بـ زايد محمد إبراهيم.

الحمد لله من قلبي، ربنا كرّمني و رزقني بأغلى نعمة في الدنيا، ابني “زايد محمد إبراهيم”. لحظة وصوله للدنيا كانت أكبر فرحة عشتها، وربنا قدّرني وشوفتها بعيني.

حابّة أشكر من قلبي الدكتور محمد ممدوح، اللي كان معايا خطوة بخطوة، باهتمامه وهدوءه وحرصه عليّ، ربنا يجازيه عني كل خير.

وكمان شكري الكبير للجميلة أ/ سمر سعيد ، اللي بجد كانت دايمًا جمبي، بتحس بيا من قبل ما أتكلم، وخايفة عليا أكتر من نفسها. ربنا يباركلي فيكي يا سمر، محبتك واهتمامك حاجة كبيرة قوي عندي.

من قبل ما أولد بشهر ، وهما معايا خطوة بخطوة، حاسين بيا، سند ليا، وطبطبة حقيقية وقت القلق والتعب والخوف.

وشكر كبير كمان من قلبي لكل الناس اللي كانت معايا النهارده أهلي، صحابي، حبايبي… كل كلمة حلوة، كل حضن، كل دعوة حسّيت بيهم بجد، وكان ليهم أثر كبير في قلبي.

ربنا يديم عليّا حبكم ووجودكم حواليا، ويباركلي في زايد ويجعله من الصالحين يا رب.

وجدير بالذكر بأن زهرة مصر سمر نديم تعرضت لحالة نفسية سيئة بعد فقدان والدها وعمتها في نفس ذات اليوم خلال الأيام الماضية.