هاني رمزي بعد تعرضه لموقف محرج من إحدى المعجبات: الفيديو تريند النهاردة

علق الفنان هاني رمزي علي الفيديو الذي نشره برفقة إحدى المعجبات على حسابه الشخصي عبر موقع تبادل الصور والفيديوهات “إنستجرام”.

وقال الفنان هاني رمزي في تصريحات صحفية: “أنا لا أهتم بالتعليقات السخيفة ولا باخد بالي منها ولا تفرق معايا، وأنا نزلت الفيديو وعارف أن هايبقي فيه سخرية”.

 

وأضاف: “عموما في ناس كتير بتدخل عشان تسئ وأنا عمري ما رديت الإساءة بالإساءة إطلاقا ولا بتفرق معايا الحجات دي، وأنا نفسي بقول اللي يقول يقول واللي يعمل يعمل، وأنا أبسط من كدا بكتير”.

 

وأكمل رمزي: “أنا شايف أن مقطع الفيديو لطيف وهيبقى تريند النهاردة وأنا أصلا نزلته عشان أهزر ومعنديش مشكلة خالص، وكتر خير الي يعلق بطريقة سيئة هو حر في نفسه الله يكون في عونهم، أنا بدعي للناس دي أن ربنا يصلح حالهم والفيديو أنا اللي منزله يعني أنا اللي بهزر”.

 

موقف محرج

 

وتعرض الفنان هاني رمزي لموقف محرج من قبل إحدى المعجبات التي طلبت منه التصوير برفقته.

 

وقامت المعجبة بتصوير مقطع فيديو مع هاني رمزي وقالت من خلالة “عادل إمام يا بنات”، الأمر الذي عرض الفنان هاني رمزي لموقف محرج لأنها لم تقل أسمه، ورد الفنان هاني رمزي علي المعجبة قائلا:" أنا مش عادل إمام أنا محمد هنيدي".

 

وكشف الفنان هاني رمزي في وقت سابق، سرا لأول مرة عن فيلمه الشهير “غبي منه فيه"، وذلك من خلال حسابه الشخصي عبر موقع التواصل الاجتماعي “فيس بوك”.

 

وقال هاني رمزي:"عايز أقولكم على سر محدش يعرفه فيلم غبي منه فيه من الأفلام الأقرب لقلبي لأن الزعيم عادل إمام كان حاضر تصوير الفيلم كله ودا لأن الفيلم كان من إخراج ابنه المخرج الموهوب رامي إمام.

وتابع: حاجة كمان، المشهد الشهير ليا مع المرحوم طلعت زكريا بتاع التخطيط للمهمة، إحنا كنا اتفقنا اننا هنلغي المشهد ده بالكامل من الفيلم والزعيم عادل إمام هو اللي أصر أن المشهد يفضل موجود لأنه على حسب كلامه مشهد حلو وهيجيب ضحك كتير، وقد كان بالفعل.. ربنا يخليلنا الزعيم ويطولنا في عمره يارب ويفضل ملهم ومعلم لينا كلنا.