شريف إكرامي بعيد ميلاده الـ 39: احترامي لنفسي أهم من أي مكاسب

احتفل اللاعب شريف اكرامي بعيد ميلاده، وذلك عبر صورة له نشرها علي صفحته الرسمية على موقع التواصل الاجتماعي للصور والفيديوهات انستجرام.

وكتب شريف اكرامي: "النهارده أنا 39 سنة.. كنت باسمع دايماً جملة.. العمر ده مجرد رقم.. دي حقيقه بس عشان تتحقق لازم تشتغل جامد جداً وصدقني اشتغل، اجتهد واتاكد إن تعبك عمره ما هيضيع".

وأضاف قائلا: "اتعلمت ان تطوير نفسك والاستثمار فيها جسدياً وفکریاً أساسيات وليها تأثير كبير جداً ومن أفضل الحاجات وأبسطها اللي ممكن تتحقق أنا مش مثالي ولا حتي قريب ليها.. بس فخور إني دايماً ببذل أقصي مجهود في كل الجوانب وأهم نتیجة لكل ده هو احترامي لنفسي اللي أهم عندي من أي مكاسب تانية".

 

يذكر أن إكرامي قال في تصريحات عبر برنامج “اللعيب” المُذاع عبر قناة أم بي سي مصر: “شريف أكتر حارس في بيراميدز تاريخيا شارك في المباريات، وترك النادي الأهلي عشان يلعب”.

وتابع: “شريف لعب أكتر من 110 مباريات في أفريقيا و19 مباراة في الدوري المصري اهتزت شباكه بـ 11 هدفا فقط، وحافظ علي شباكه خلال 10 مباريات كلين شيت، ولم يصل أحد لهذه الأرقام”.

وأضاف: “أنا بستغرب من الهبد اللي بيحصل من السوشيال دي لجان إلكترونية موجهة وفيه حد وراء الحملة دي”.

واختتم: “أعلم أن نجلي شريف هو المخطئ في الهدفين أمام الأهلي، لكن الجميع يخطئ وهذا طبيعي”.