هنادي مهنا : الشائعات عن خلافاتي مع زوجى مبسوطة بيها

سخرت الفنانة هنادي مهنا من شائعات إنفصالها عن زوجها أحمد خالد صالح قائلة:"الموضوع مضحك ويضحكني أوي وقلت كويس أنهم مشغولين في الكلام وده ومتخيلينا أننا بينا خلافات أحسن ما يحسدونا".

ورداً على سؤال الاعلامية لميس الحديدي هل تشعر بالغيرة على زوجها تابعت خلال لقاء خلال " برنامج " كلمة أخيرة " الذي تقدمه الإعلامية لميس الحديدي على شاشة ON": اكيد زي كل البني آدمين بس مش بتخانق وهو بيغير عليا في حدود الطبيعي".

وكشفت أنها أحيانا تقوم بفتح موبايل زوجها لكن ليس لشيء سوى لاخذ صور بعينها أو خلاف ذلك وأن " الباسورد " خاصته بحوزتها قائلة : " مش عشان حاجة بفتح موبايله عشان بس لو هكلم حد أو عايزة صور وهو مش بيغيره لانه معندوش حاجه يخبيها سيبه زي ماهو ".

ووجهت الحديدي لها سؤال : تعملان سوياً في المجال الفني هل لو نجح أحدكما أكثر من الآخر من الممكن أن يولد غيرة قالت:"بالعكس مفيش مجال للمنافسة بين راجل وست لكن على أية حال أتمنى أني نجح أكثر ببقى فرحانه لما ينزله حاجه وبكون متحمسه في دعمه وكأن الدور لي".

وعن وجود خطوط حمراء في الأدوار التي تقدمها قالت : عندي خطوط حمراء زي أي حد بس مش براعي في الاخر اني بشتغل في مجتمع مصري وبتخيل شعورهم وهم يشوفوا أي فنان في التلفزيون المفروض هو قدوة وفيه ناس ممكن تقلد فأتمنى دائماً أكون قدوة للاسر تجاه أبنائهم ومش عاوزة أعمل حاجة تضايقها أو تكون مختلفة عن مجتمعهم ".

وأشارت أنها تقر بوجود قيود مجتمعية أكثر على الفنانة قائلة: "مش هتكلم عن ده وأقول معاه ولا ضده ؟ لكن في النهاية معنديش غير حل من أثنين أما إحترام المجتمع وأمشي كما يريد أو كما يحبون وأبقى معهم وأعمل عكسهم وأقلهم حبوني بالعافية والخيار الثاني أما أعمل الاشياء الاخرى في مجتمع آخر في النهاية لازم أحترم المجتمع ده اللي أنا اخترت أعيش فيه ".