السبت 23 سبتمبر 2023 10:11 صـ 8 ربيع أول 1445هـ

رئيس التحرير محمد يوسف

رئيس التحرير محمد يوسف

    تقارير وقضايا

    حظر النشر.. الاعترافات الكاملة لقاتل فتاة المنصورة نيرة أشرف خلال المحاكمة

    حوادث  نيرة أشرف ومحمد عادل
    حوادث نيرة أشرف ومحمد عادل

    قررت محكمة جنايات المنصورة تأجيل أولى جلسات محاكمة محمد عادل المتهم بقتل نيرة أشرف فتاة المنصورة، إلى يوم الثلاثاء المقبل الموافق 28 يونيو 2022، حيث شهدت القضية تطورات جديدة أثناء جلسة محاكمة قاتل فتاة المنصورة نيرة أشرف.

    نستعرض الأقوال الكاملة خلال الجلسة الأولى لمحاكمة محمد عادل المتهم بقتل فتاة المنصورة نيرة أشرف، عمدًا مع سبق الإصرار والترصد، حيث بيت النية وعقد العزم على قتلها، وتتبعها حتى ظفر بها أمام جامعة المنصورة، وباغتها بسكين طعنها به عدة طعنات، ونحرها؛ قاصدًا إزهاق روحها.

    شهدت جلسة محاكمة محمد عادل الطالب بكلية الآداب في جامعة المنصورة، المتهم بقتل زميلته نيرة أشرف طالبة المنصورة مع سبق الإصرار والترصد تطورات جديدة، وذلك بعد سماع أقوال محمد عادل أمام محكمة جنايات المنصورة الدائرة الرابعة برئاسة المستشار بهاء المري، وعضويتها المستشارين سعيد السمادوني، ومحمد الشرنوبي، وهشام غيث، وأمانة سر محمد جمال، ومحمود عبد الرازق.

    محمد عادل قاتل طالبة المنصورة نيرة أشرف

    وقال المتهم محمد عادل تفاصيل جديدة بشأن علاقته بـ طالبة المنصورة نيرة أشرف، وعائلتها، حيث جاءت أقواله كالآتي:

    قتلتها عشان رفضت ترتبط بيا.

    كانت بتقولي تعالى نشتري حاجات، وكنت بعملها كل حاجة هي عايزها.

    كانت بتشتكيلي من أهلها، وكنا متفقين على الخطوبة، وبعد فترة من الارتباط اتضح إنها كانت وخداني مرحلة في حياتها.

    حصل مشكلة وروحت أشوف فيه إيه، اكتشفت إن أبوها ميعرفش حاجة، وافتكرني رايح اتخانق مع بنته.

    قولت لها تسيب شغل الموديل وإنها مش محتاجاه، وبعدها لقيت واحدة بتتصل بيا وتهددني.. اتصدمت فيها، والأهالي مكنش عاجبهم الكلام ومرضتش أدخل أهلي، ولما حصل الموضوع ده فضلت مصدوم، وقولت أديها فرص.

    انفصلنا عن بعض لمدة 3 أشهر وبعدين اتكلمنا تاني، وبعدها حررت نيرة أشرف فتاة المنصورة ضدي محضر في قسم الشرطة لعدم تعرضي لها، لأني كنت بطاردها بعدما تقدمت لها ورفضتني.

    وريت موبايلي لأحد الأشخاص فقالي دي مصت دمك.. وفي الآخر سابتك، أنا لو منك أسيبني منها، وأخدت الشتائم والصور وبعتها لأهلها وطلبوا نلم الموضوع، جابوا بلطجية ومضوني على إيصالات.

    كان بييجي في دماغي أقتلها، بس أنا كنت بقول لأ، مش عايز أوصَّلها لكده، لحد ما جه اليوم ده، وقولت خلاص، مفيش أمل، ولو أنا سكت عن كده، أنا اللي هتأذي، وممكن تعمل هي حاجة فيا، وآخر ناس بعتوهم، طلعوا عارفين أهلي.

    فكرت في قتلها لما يأست واتهددت، وتعبت.. عايز أرد اعتباري؛ لأني اتهنت، واشتريت السكينة قبل الجريمة بكام يوم، وفي رمضان اللي فات بعتت لي تهديد، وقالت لي هبعت لك ناس، وبعتولي بلطجية لحد بيتي، وأهل المنطقة عارفيني وعارفين قرايبي، ومحاولتش أقتلها قبل كده.

    إحنا كنا مرتبطين، واكتشفت إنها كانت تعرف واحد تاني وقتها.. كانت متعرفة على واحد، وبتروح معاه مرسى مطروح بعربيته.. بس أنا ندمت إني قتلتها عشان أذيت أهلي، وأهلها هما اللي المفروض يتسألوا عن وضعها.

    تمنيت تتأخر عن موعد الأتوبيس عشان مقتلهاش، وقعدت تتريق وتضحك عليا، ما أثار غضبي، فقررت قتلها.

    نيرة أشرف فتاة المنصورة حوادث اخبار الحوادث محكمة جنايات المنصورة جريمة قتل محمد عادل facebook twitter whats

    استطلاع الرأي

    أسعار العملات

    العملةشراءبيع
    دولار أمريكى​ 18.261718.3617
    يورو​ 20.049520.1629
    جنيه إسترلينى​ 24.092624.2337
    فرنك سويسرى​ 19.610919.7204
    100 ين يابانى​ 15.004215.0901
    ريال سعودى​ 4.86824.8951
    دينار كويتى​ 59.968760.4519
    درهم اماراتى​ 4.97124.9996
    اليوان الصينى​ 2.86492.8842

    أسعار الذهب

    متوسط سعر الذهب اليوم بالصاغة بالجنيه المصري
    الوحدة والعيار الأسعار بالجنيه المصري
    عيار 24 1,103 إلى 1,126
    عيار 22 1,011 إلى 1,032
    عيار 21 965 إلى 985
    عيار 18 827 إلى 844
    الاونصة 34,299 إلى 35,010
    الجنيه الذهب 7,720 إلى 7,880
    الكيلو 1,102,857 إلى 1,125,714
    سعر الذهب بمحلات الصاغة تختلف بين منطقة وأخرى
    مصر 24 أول خبر المطور بوابة المواطن المصري حوادث اليوم التعمير مصري بوست

    مواقيت الصلاة

    السبت 10:11 صـ
    8 ربيع أول 1445 هـ 23 سبتمبر 2023 م
    مصر
    الفجر 04:17
    الشروق 05:44
    الظهر 11:48
    العصر 15:15
    المغرب 17:52
    العشاء 19:09