محمد النجار لكل روائي مبتدأ: اجتهد وطارد حلمك ولا تتوقف عن الكتابة مهما حدث

في حديثنا مع الكاتب محمد النجار، عن مشوار نجاحه قائلا"انا متخصص فى مجال القصص المثيرة الأكشن والرعب اللى بتتكلم عن الغوامض، وسبب تخصصي بها لان بلاقي نفسي فيها وتأثري بالمحيط المهتم دايما بالاعمال من هذا النوع".

واضاف قائلا "الفترة الجاية هيكون فيه اكتر من عمل ليا فى اكتر من صورة كتابة وإلقاء وحتى تمثيل فردي، خصوصا مع القدرة العالية للأنتشار
اللى بتحققها السوشيال ميديا لجمهورها واللى بتسمح للمبدعين والمتميزين وحتى الهواة بالظهور أمام العامة وعرض إنتاجهم والجمهور بيحكم على شغلهم حسب اهتمامه".

اما عن الشباب الموهوب بالكتابة هذه الأيام فوجه لهم النصيحة قائلا "بنصح كل اللى بيفكر فى الكتابة ان عليه بالقراءة ثم القراءة لأنها هى فقط بوابة المعرفة والوصول للناس مهما كان حبك وشغفك، لا يمكن ابدا توصل إلا بالتعليم والخبرة والأجتهاد".

ختم حديثه قائلا"اجتهد وطارد حلمك ولا تتوقف عن الكتابة حتى لو هتقراها لنفسك، طالما بتجتهد هيجي اليوم ويوصل كلامك للناس".