مروة ناجي:"اللي ركبت المرجيحة قريب هتركب الصاروخ"

استنكرت المطربة مروة ناجي، حجم الاهتمام الذي أعطاه الجمهور لصاحبة فيديو كليب "أركب المرجيحة" مقارنة تلك الفتاة، بابنة العامل البسيط التي اجتهدت من أجل إدخال السرور على قلب والدها، وحصلت بالفعل على المركز الأول بالثانوية العامة.

 

وقالت مروة، عبر حسابها الشخصي، على موقع التواصل الاجتماعي "فيس بوك"،:" أنا مش متعوده أنزل بوستات في الاتجاه ده بس الموضوع مستفز جدًا بالنسبه لي، (اللي علي اليمين) عايشه في أوضه واحده مع إخواتها وأمها وأبوها الراجل المكافح اللي شغال حارس عقار ورغم كل ظروفها الصعبه دي طلعت الأولي علي الثانويه العامه، (اللي علي الشمال ) كل اللي عملته إنها ركبت المرجيحه ولاقيتها حلوه أوي ومريحه ومش هتكلم عن صوتها خالص والناس الهبل كتير نزلين تشير فالفيديو وبيعملولها انتشار".

 

وتابعت،:" النتيجه إن اللي علي اليمين محدش يعرفها واللي علي الشمال بقت نجمه وقريبًا هتركب الصاروخ، التعليم زمان كان بيوصلك لحلمك دلوقتي اركب المرجيحه توصل أسرع".