صفحة نور الشريف تدعم أحمد عزمى بعد أزمته الأخيرة واشارة إلى تامر مرسي وصلاح عبدالله

دعم خالد حميدة أدمن صفحة نور الشريف، الفنان أحمد عزمي بعد أزمته الأخيرة وابتعاده عن الفن ، قائلا ادمن الصفحة : " بعيدا عن حياته الشخصية اللي طول الوقت بنقول ملهاش دعوة بحياتنا الشخصية ، الفنان ده من اكتر الفنانين الموهوبين في جيله" .

وأشار  أدمن الصفحة للفنان صلاح عبدالله لتشجيعه الدائم للفنان أحمد عزمي الذي تعاون معه في أكثر من عمل ويعتبره ابنه ، وأشار أيضا للمنتج تامر مرسي الذي يتعاون في عمل جديد مع صلاح عبدالله ومن المتوقع مشاركة عزمي في العمل معهما.

جاء ذلك بعد تصريحات أحمد عزمي الأخيرة في برنامج كلام الناس عن دخوله في حالة اكتئاب شديدة، بعد وفاة شقيقه الأصغر في مشاجرة مع أحد الأشخاص، مشيرًا إلى أنه تعاطى المخدرات، ودخل في دوامة الكحول بسبب مجموعة من الأشخاص كانوا حوله .

وأضاف «عزمي» خلال لقائه ببرنامج «كلام الناس» الذي يذاع على شاشة mbc مصر: «الأمر اللى خلاني مبقتش قادر أواجه الدنيا مقتل أخويا حمدي اللى اتقتل بحادثة بشعة تعرض فيها لـ 13 طعنة في جسده، بسبب مشاجرة بينه وبين أحد الأشخاص، وقتها حسيت أن مصر مبقتش بتاعتنا، ومبقتش حاسس بالانتماء اللى كنت حاسه قبل كده، وقتها كان الحل أن روحت شرم الشيخ واشتريت شاليه وفقدان التوازن بدأ يزيد وابتعدت عن كل الحاجات الحلوة اللى بحبها».

تابع :«لما روحت شرم الشيخ كان حواليا مجموعة من الأشخاص ودخلت في دوامة الكحول اللى هو بداية لكل مفسدة، وبدأت تعاطي المخدرات، ودخلت في اكتئاب مع انفصالي عن زوجتي».

 

 

وأكمل: «حادثة شرم الشيخ، اللجنة وقفتنا، والظابط لقى فيه حاجة مش مظبوطة، وفتش العربية طلع منها أقراص مخدرة ترامادول، الناس اللي كانوا معايا في عربيتي مش قادر أتذكرهم أنا عرفتهم إزاي أو منين».

 

 

واعترف الفنان أحمد عزمي، بتعاطيه الترامادول، قائلا: «كنت باخد ترامادول، لكن بوصفة روشتة، بس الموقف على بعضه مكنش شكله كويس، كان فيه حد من اللي راكبين معايا العربية كانت بنت مُسجلة، فالموضوع كبر».