كارولين عزمى بعد إلقاء القبض على المتحرش : حقي رجعلى ومش هتنازل

وجهت الفنانة الشابة كارولين عزمى عبر صفحتها الشخصية على موقع الصور والفيديوهات الشهير “ إنستجرام ” الشكر الى وزارة الداخلية بعد القاء القبض على الشخص الذى قام بالتحرش بها.

وعلقت كارولين عزمى قائلة : " “الحمدالله حقي رجعلي عايزة اشكر وزارة الداخلية والنيابة العامة على سرعة الاستجابة ووقفتهم ، شكرا انكم مسكتو الشخص دة في نفس اليوم” .

وقالت كارولين عزمى : "واحب اقول لكل البنات أي موقف تتعرضيله اوعي تسكتي واجهي ومتخافيش وحقك هيجيلك احنا بلد فيها قانون".

واستكملت كارولين عزمى حديثها قائلة : "مع احترامي لزوجته واولاده بس أنا مش هتنازل واتمنى يكون درس ليه وعبره لغيره".

وكانت قد نشرت الفنانة كارولين عزمي فيديو عبر حسابها الشخصي بموقع التواصل الاجتماعي «انستجرام»، توثق خلاله تعرضها للتحرش أثناء قيادة السيارة، وعلقت كارولين على الفيديو قائلة: «أنا اللي يعرفني أو متابعني عارف اني شخص مالوش في المشاكل ولا عمري شاركت مشكلة تخصني على سوشيال ميديا... باختصار النهاردة كنت في عربيتي وجنبي عربية فيها واحد كسر عليا كل اللي عملتوا انا بصتله وبصيت قدامي ف لقيته بيكرر نفس الحركة تانى بأستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفاجأت وهو بيقولى بتصوريني يا بنت "لفظ خارج"... ساعتها اتخضيت و بدأت اصور بجد و انتو هتشوفو في الفيديو الحركات اللي بي أيده و الشتايم…. و بدء يقولى تعالى ورايا والحقيقة انى مش عارفه اروح واره فين او كان عايز يعمل ايه ولانى اتوترت وخوفت ساعتها مقدرش اصور ١٪ من اللى عمله الشخص دا».

قصة تعرض الفنانة كارولين عزمي للتحرش والشتائم بالألفاظ الخارجة كارولين عزمي تكشف تعرضها للتحرش: أنا عايزة حقي يرجعلي

وتابعت في تعليقها على الفيديو: « انا اتشمت واتنهت واتشمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد انه شخص مريض.. اكيد الشخص دا أذى بنات كتير لانه تقريبا متعود على الحركات دى ومتعود يخوفهم ومش همه حتى انه يتصور و يتفضح.. انا عايزه حقى يرجعلى».

وكان أخر أعمال كارولين عزمى هو فيلم ريتسا ، والذى يحكي قصص 3 شخصيات مختلفة تدور بين زمنين مختلفين لكل منها مسارها الخاص، إلا أن هناك ما يجمع تلك القصص وهو الحب الذي يدفعهم لاتخاذ قرارات تسببت في اضطراب حياتهم، فهل ينجح الحب في إعادتها؟.

الفيلم بطولة محمود حميدة، وأحمد الفيشاوي، وعائشة بن أحمد، وأمير المصري، ومي الغيطي، ويوسف عثمان، ومريم الخشت، وكارولين عزمي؛ تأليف معتز فتيحة وإخراج أحمد يسري.