عاصى الحلانى: اشتغلت صبى نجار.. و لم أكمل تعليمى

حل النجم عاصى الحلانى، ضيفا في برنامج "السيرة" للإعلامية وفاء الكيلانى، المذاع على قناة Dmc، وتحدث خلال الحلقة عن عمله في طفولته قائلا: "اشتغلت بدرى ولكن عمر ما أهلى طلبوا منى ذلك ولكن أنا كنت بشتغل عشان أجمع فلوس لكى اشترى عود او أدفع مصاريف المعهد ومش قادر اطلب من والدى عشان يا دوب يكفى اخواتى، ولما بدأت اجمع فلوس ولو انها كانت قليلة بس كنت مبسوط جدا، والخطوة دى عملت منى راجل".

وتابع عاصى الحلانى: "اول مرة اشتغلت كان عندى وقتها 15 سنة واشتغلت حلوانى بس محبتهاش وفضلت فيها شهرين او 3 شهور وبعدين غيرت وروحت اشتغلت صبى نجار، وفضلت فترة طويلة النجارة وبقى عندى خبرة في الموضوع، يمكن الموضوع كان هواية كمان لأنى كنت بحب أصلح الحاجات في البيت ومسمينى في البيت المخترع عشان أي حاجة تخرب بحاول أصلحها، وحتى الان عندى شنطة كبيرة فيها كل الأدوات والمعدات عشان لو عاوز اصلح شيء في البيت".

وأضاف الحلانى: "تركت التعليم في سن 18 عام يعنى بالثانوية العامة، وانا قبل كده كنت بدرس في المدرسة والمعهد وبشتغل بنفس الوقت، ولكن لما دخلت استوديو الفن تفرغت له واكتفيت من التعليم، ويمكن لا اعتبر نفسى تركت الدراسة لأنى تخصصت في المجال اللى بحبه".

وعن تعرضه للخطف في عمر 16 عام قال عاصى الحلانى: " كان هذه الفترة قبل دخولى استوديو الفن، وكان معى شاب اكبر منى وكان سايق وكنا في الجبل ونازلين على بيروت في وقت الفجر، وقابلنا وقتها حواجز وخطفونا لأنهم يسألونا انت تبع حزب ما ونقول لا واخدونا وكان هذا حال كبير على كل اللبنانين وقتها وفضلنا مخطوفين 24 ساعة واهلى ميعرفوش وكان يوم من أصعب أيام عمرى"