هاني شاكر يعلن وقف حسن شاكوش بلا رجعة

قال الفنان هاني شاكر، نقيب المهن الموسيقية، إنه قام بسحب ترخيص مغني المهرجانات حسن شاكوش للأبد وبدون رجعه، وعلق قائلًا: الغلط اللي غلطوا دا أنا واحد من الناس والمجلس معايا كلنا، قررنا سحب ترخيصه تماما ونهائيا، لأن الحقيقة إحنا مش ناقصين في الوسط الفني هذه النوعية من الفن.. هذه النوعية الغريبة والعجيبة اللي احنا بنشوفها في الفن النهاردة، بناقص حسن شاكوش.

وتحدث خلال لقاءه مع برنامج ET بالعربي عن خلاف حسن شاكوش مع المطرب الشعبي رضا البحراوي، قائلًا: المشكلة كبيرة وخطيرة، وعلى قد اللي اتعمل دا متعملش في أي حته، مش بس في مصر.. يطلع يغني غنوه إباحية على المسرح ويخلي الجمهور يشاركه غنائها.

بدأ الخلاف بينهما في الساحل الشمالي، عندما كان من المقرر أن يغني رضا البحراوي في الحفلة أولًا، وصعد حسن شاكوش ليغني، ولكنه أصر علي مغادرة فرقة رضا البحراوي من المسرح، وبدأ بينهم شجار، مما جعل حسن شاكوش يوجه لهم إشارات خارجة، وقامت الفرقة بالرد عليه وتبادلوا السباب على خشبة المسرح.