بخيل .. حمو بيكا: "عمر كمال بيحب الفلوس والستات بس مش عايز يتجوز"

قال مطرب المهرجانات حمو بيكا، إن مطرب المهرجانات عمر كمال يرفض الزواج في الفترة الحالية، نظرا لأنه يود جمع أكبر قدر من المال.

أضاف حمو بيكا خلال لقائه مع برنامج الترابيزة، الذي تقدمه المذيعة أميرة بدر: عمر كمال لا يحب الزواج، وبيقول أجيب عيال ليه وأصرف عليهم، ومفكر كل الحياة جمع فلوس، ميعرفش إن ممكن تجمع وتحوش ومتعرفش تصرف بعد كدة.

أشار حمو بيكا إلى أن عمر كمال بخيلا، قائلا: عمر مش بيحب يطلع فلوس خالص، وهو بيحب الستات بس مش عايز يتجوز، ودائما يقول هتجوز لكن مش دلوقتي.

هاجم حمو بيكا، صديقه مطرب المهرجانات عمر كمال، لأنه تخلى عنه في الكثير من المواقف والمشكلات، قائلا: لما كان بيتصل بيا كان بيلاقيني في ظهره على طول، ومينفعش أول ما أقع ألاقيه بيسبني، ويتخلى عني.

حمو بيكا

أكد حمو بيكا خلال الحلقة، أنه يرى في نفسه أنه الأهم في عالم المهرجانات، قائلا: أنا أهم مطرب مهرجانات في مصر، لأني صانع البهجة والابتسامة على وشوش الناس، وأهم حد بعدي نورت التوت لأنه مؤدي كويس.

يستعد مطرب المهرجانات حمو بيكا لطرح أحدث أغانيه، والتي تحمل اسم انتعاش في أوضة الإنعاش، خلال الفترة المقبلة، حيث نشر البوستر الدعائي للأغنية عبر حسابه الشخصي بموقع التواصل الاجتماعي فيس بوك وعلق: قريبًا انتعاش في أوضة الإنعاش، حمو بيكا، ميسو ميسرة، انتظرونا.