عبر بث مباشر .. شاب يعلن إقدامه على الانتحار في المنصورة

"أنا في طريقي للانتحار من فوق كوبري طلخا، عارف أني هاموت كافر بس كتر الضغوط النفيسة معنتش قادر استحملها خلاص تعبت الموت هيبقي راحة بالنسبة لي"، كلمات جعلها شاب يدعى إسلام عبد الرحمن ، في مدينة المنصورة بمحافظة الدقهلية حالته على صفحة التواصل الاجتماعي فيس بوك، وهو ما تسبب في حالة من الارتباك الشديد بين أهله وأصدقائه.
وخرج الشاب بعدها عبر بث مباشر على صفحة على موقع التواصل الاجتماعي "فيس بوك" وهو ما جعل عدد من أصدقائه يهرعون إلى كوبري طلخا المار أعلى نهر النيل فرع دمياط، بمحافظة الدقهلية، لمحاولة إنقاذه وابلغوا الحماية المدنية والإنقاذ النهري بما يحدث.
وبدأ الشاب في بث مباشر قال فيه: “ياريت بالله عليكم لا يزعل مني أحد، عارف إني هموت كافر، وهاقابل ربنا وأنا كافر، بس غصب عني، كتر الضغوط اللي أنا فيها، خلاص خلاص بجد، لما انتحر أهلي لا يستلموا جثتي، أي حد غريب يشوف الفيديو يستلم جثتي، هما اللي وصلوني لكده.”
وأضاف الشاب: “ياريت أي حد من أصحابي زعلان مني متزعلش مني أكيد غصب عني أنت عارف اسلام طيب ازاي وعمره ما فكر ما يؤذي حد أو يزعل حد”.
ووجه رسالة لفتاة: "بالنسبة لحبيبتي أنا أسف لم أكون عند وعودي، ولو لفيت الدنيا كلها مش هلاقي حد زيك.".
وأكد أن من جعله يصل إلي هذه الحالة لن يسامحه: "انتم اللي وصلتوني لكده، وأمام ربنا هاقول أنا مش مسامحكم.
وبعد ساعة من هذا البث المنصورة خرج أصدقاء اسلام من صفحته علي الفيس بوك يؤكدوا أنه بخير، وأنهم خرجوا من صفحته ليطمئنوا الناس عليه وأهله وأصدقائه وقالوا: "اسلام كويس وتمام واحنا في شارع جيهان بالمنصورة ولو فيه حد من أهله أو أصحابه عاوز يتواصل معاه احنا بالقرب من الحماية المدنية"