أحمد سعد يتسبب في بكاء عروس وترك حفل زفافها

 

روز توفيق انور

روى الفنان أحمد سعد موقفا من حفل زفاف أحياه مؤخرا، وتسببه في بكاء العروس بسبب أغنيته "بحبك يا صاحبي".

ونشر سعد صورا من الحفل عبر "فيسبوك"، وعلق قائلاً : كنت بغني في فرح ولكن الفرح كان مليء بالبكاء، بدأت بأغنية كل يوم والناس مبسوطة وبعدها بغني أغنية بحبك ياصاحب، قاموا الناس جريوا عليا بسرعة وقالوا لي لأ ماتغنيش أغنية بحبك ياصاحبي، ماتغنيش بحبك ياصاحبي! مافهمتش في إيه ؟! فماغنتش بحبك ياصاحبي.. والعروسة قامت بتعيط وجريت بعيد عن الفرح! فغنيت أغنيه تانية قامت العروسة تاني وعيطت وسابت الفرح

مكنتش فاهم في إيه ؟! طب أغني إيه ؟! المعازيم قالوا لي معلش لأن هي بتحب أبوها جدًا وأبوها كان بيحبك حب غير عادي وإنت بالنسبة له أهم حد وكل الأغاني بتاعتك لها ذكريات مع أبوها

وهي كانت بتغني له بحبك ياصاحبي، لو هو موجود دلوقتي كان أول حد هايجيبه يغني في الفرح كان هايكون إنت، ومش العروسة هي اللي جابتني الفرح العروسة في الفرح طول الوقت تبصلي وتفتكر أبوها وتعيط.. العروسة دي علمتني يعني إيه بنت بتحب أبوها وإن الحب ده قد إيه حقيقي وصادق ونقي وإن الأب ده كان راجل طيب وأب حنين علشان يتغناله من بنته بحبك ياصاحبي الله يرحمه

وكانت آخر أعمال أحمد سعد أغنية "الملوك" التي طرحها مؤخرًا مع عنبة وحققت نسب مشاهدة عالية على اليوتيوب وصلت إلى 15 مليون مشاهدة.