الهجرة فى زمن الكورونا

تعددت الطرق والوجهة كانت في النهاية إيطاليا. وكأن كل طرق اللاجئين تؤدي إلى روما، أو هكذا يأمل أولئك اللاجئون، على الأقل. لأن الوصول إلى إيطاليا ليس مضمونا، والموت غرقا كان مصير كثيرين منهم
100 ألف جنية ومجازفة بحياتك وممكن ترجع وممكن تموت كان ممكن تعمل مشروع تبدأ بية وتجتهد أعرف أنكم تنظروا لبعض الاشخاص الذين ظهر عليهم الثراء بسرعة .جبت منين ال100ألف!! ولكن كلنا ننظر الى بعض أنت انسان قوى وذكى ولكنك اخترت سكة الموت !!.
يقول احمد زكريا.23 عاما خلصت الدبلوم وسافرت على ليبيا وقعدت هناك فى التخزين (الحوش) قعدنا هناك 15 يوم لحد اما الجو اتعدل وقالك هتركبوا روحنا نركب من على الشاطئ اتضرب علينا نار طبعا اللى هرب هرب واللى مات مات وفى ناس رجعت الحوش تانى واحنا اتمسكنا من الشرطة الليبية واتسجنا فى ليبيا وبعدين رحلونا على السلوم وعملت جواز تانى وسافرت مرة كمان وحصل معايا نفس اللى حصل فى المرة الاولى .المرة الثالثة سافرت على ليبيا وقعدنا هناك 5 أيام وركبنا على مركب صيد كنا 250 شخص ومش عارفين نقعد على المركب من عدد الاشخاص واللى كانوا تحت فى الثلاجة التوانسة والمغاربة علشان كان بيدفعوا اكتر مننا انما احنا على المركب من فوق والمركب حمولتها 20 فرد .قعدنا 3 أيام فى المياة والنهار يطلع والليل يجى علينا وفى اليوم الثالث الموج على علينا والمركب بقت تحدف بينا شمال ويمين وكانت بتغرق من مياة الامواج وكنا بنفضل نشيل من المركب المياة علشان متغرقش .وقبل مانوصل (لامبدوزا )الجزير الايطالية السيور بتاع االمكنة اتقطعت والمركب عطلت بينا .وصاحب المركب قال يلا انزلوا كملوها عوم فضلنا يوم عايمين ف المياة ولما النهار طلع علينا لقينا طائرة شافتنا وبعتت لينا لانش انقاذ .وأخذونا على (لامبدوزا ) قعدنا هناك 15 يوم تبع (الصليب الاحمر )أكل وشرب ومعاملة كويسة وبعدين رحلونا على (كاتانيا سيتى )فى الشمال منطقة سجون وبعدين هربنا من الكرفانات وقعدنا 3 أيام فى الجبل نطلع وننزل والجو يمطر علينا واتبهدلنا بعد 3 أيام لقينا نور نزلنا علية لقينا محطة قطر وقفنا عليها لاقينا عربة شرطة 5 دقائق كنا فى السجن تانى
ويضيف أحمد رحلونا على روما فى سجن شديد الحراسة 3 أسوار والسور الرابع خرسانى متبلط سيراميك
قعدنا هناك 59 يوم والقانون هناك بيقول لو قعدت 60 يوم هتأخذ ورقة مغادرة وبعدين جالنا السفير المصرى اتعرف علينا والفجر كنا فى القاهرة (بس احنا شوفنا الموت بعيننا لابنأكل ولا بنشرب فى المياة وفى ناس ماتت معانا ف المياة )
يقول محمد عرفات صاحب اللى 24 عاما .أنا محبتش أجرب سكة المياة لانها صعبة والوصول الى ايطاليا من خلالها أمر مستحيل قعدت أدور لحد اما لاقيت شخص عندنا من البلد اتفقت معاة انة يسفرنى ايطاليا واتفقنا على 80 ألف جنية على طريق المغرب ومن المغرب نخش أسبانيا بحر وعملت الجواز وسافرت من مطار القاهرة الى المغرب .وبعد كدة فى بوابات زى بوابات رفح لازم تعديها على مدينة محتلة اسمها مليلة
بعد كدة المهربين تبع الناس بتاعت مصر انتظرناهم وأخذونا على البوابات علشان يدخلونا ومدخلتش من أول مرة اتقفشت وبعد كدة مرة ثانية نطيت من على السور واتقفشت ومرة ثانية مع العمال واتمسكت وثالث مرة عديت فى مسابقة بالعجلة
ويوضح محمد الشرطة الاسبانية لما عديت مسكتنى قولتلهم لجوء أخذونى الى مكتب اللجوء وقدمت لجوء سألونى جاى أسبانيا لية واية مشكلتلك قولتلهم أى كلام وبعدين أعطونى ورقتين واحدة موعد مقابلة مع الشرطة مرة ثانية علشان يسألونى اى جابك هنا وازاى والمهرب خد منك كام عملوا معايا تحقيق تانى
والورقة الثانية بدخول الملجأ .وعملت مقابلة بعد 10 أيام وحكيت ليهم كل شئ وبعدها بأسبوع أعطونى اقامة لجوء مؤقتة على مايرسوا القضايا ورحلونى على اسبانيا .ولما دخلت دخلونى ملجأ تبع منظمة الصليب
الاحمر وسجلوا ليا فى مدرسة علشان أتعلم اللغة الاسبانية وبعدها ب6 شهور أخذونى أتعلم مهنة . ويضيف محمد بعدها جاء قرار اللجوء بالرفض وهربت من الملجأ وبدأت أدور على شغل وسكنت دلوقتى وشغال كويس والحمد لله بس أحب أوضح للشباب أنا دفعت 80ألف جنية وسافرت لو كنت عملت بيهم مشروع كان هيبقى حالى أحسن من دلوقتى .
والسفارة المغربية عرفت بالموضوع فبدوأالمهربين يأخذو تأشيرة النيجر ومن النيجر الى المغرب وفيهم ناس صحابى كانوا جايين على الطريق دا لكن موصلوش
ويقول عصام الحاوى 17 سنة
أولا انا سافرت علشان اكون مستقبلى لان هنا الكفاح مع المستحيل
انا عملت جواز سفر وطلعت من مصر على ليبيا وكنت دافع 45 ألف جنية ودخلونا مكان اسمة زوارة وقعدنا هناك 5 أيام لحد ما البحر يهدئ واليوم الخامس نادوا علينا علشان نمشى قبل مانمشى المهرب خد مننا جوزات السفر علشان لو وصلت ولقو معاك جواز سفر هيرحلوك فى أقرب طائرة بس أنا كان بالنسبالى الوضع سهل لان القانون الايطالى بيمنع ترحيل (القصر )
وقبل مانركب الزوديك المهرب قال لينا مفيش فلوس هترجع لحد وبعدين علشان تبقوا على علم اللى هيركب ليوصل ليموت مفيش حاجة اسمها رجوع ركبنا الزوديك وربطونا بحبال كنا 91 شخص ويوضح الحاوى قعدنا 3 أيام فى البحر والبحر كبر علينا فكنا بنغرق وفى ناس معانا ماتت من الجوع والبرد أنا جسمى بقى أزرق من شدة البرودة .ووصلنا وعدينا تونسى وبقينا على الحدود مالطة ولامبدوزا الجزريتين الايطاليين وطلع لينا لانش انقاذ على لامبدوزا وأخذونا على لامبدوزا قعدنا 5 ساعات وبعدين ركبونا مركب أكبر على طريق سيشليا ومن هناك قالوا لينا اللى عايز يقعد واللى عايز يمشى
ويضيف أحمد وأنا فى البحر بقيت أدعى ربنا ان أوصل أى منطقة يابس ومش عاوز أوصل ايطاليا ولا عاوز أشوفها
أنا لسة واصل من 6 شهور والمهربين اكتشفوا طرق جديدة عن طريق تأشيرة تركيا ومن تركيا اسكتلندا لليونان ومن هناك بتدخل ايطاليا