تفاصيل فضيحة المذيع خالد عليش على يد طليقته ميما الشامي

كشفت الفنانة الشابة ميما الشامي، طليقة الفنان خالد عليش، مدى معاناتها التي تمر بها في الفترة الحالية.

وقالت طليقة عليش: "هو 4000 جنيه في الشهر يكفى بنت في مدرسة إنترناشونال، وباباها بيقبض 75000 في الشهر، ده غير الإعلانات والإيفنتات وإعلانات السوشيال ميديا، وطبعا أنا اللي كنت بتفق على الفلوس دي فعارفة من سنة هو كان بياخد كام".

وتابعت: "والله في سهرة من السهرات اللي بينزلها وللي بيدفع فيها ده يكفي بنته، هو اللي خاني وضربني وكنت أنا اللي باعتذر عشان أنا اللي قصرت وهو محترم ومؤدب مع كل الناس إلا أنا، فأنا اللي مش كويسة (طبعا هو كان بيقنعني بالكلام ده هو وأهله فأنا كنت بصدق)، لأنه حولني لشخص عديم الثقة في نفسه، فكنت بحس إني أنا استاهل اتضرب واتهان واتخان وأنا اللي مقصرة".

وأضافت: "واخد فلوسي، ومعترف بيها بس مش هيدهالي غير لما أوافق على كل شروطه، يا اما روحي للقضاء".

واستكملت: "احنا بينا ربنا وهيحكم بينا، بس بنتي مكانتش تستاهل كدة، فسامحيني يا ميما بس غصب عني، وميما الحمد لله فهمت كل حاجة بدري، لأنها شافت آخر موقف قدام عنيها".

وانهت حديثها، قائلة: "معايا صور لكل اللي قولته ودلائل عليه، ثم تحدثت عن إصابة والدتها بالسرطان ورفضه الوقوف بجانبها".

خالد تزوج من زوجته ميما الشامي في ديسمبر 2013، وأنجبا طفلة، وميما هي ممثلة شابة شاركت بأدوار صغيرة في بعض المسلسلات، فشاركت في رمضان 2016 في مشاهد قليلة في مسلسل "بنات سوبر مان"، وانفصلا الثنائي في نهاية العام الماضي، بعد 6 سنوات زواج.

يذكر أن، خالد عليش هو مذيع راديو شهير وقدم برامج "معاك في السكة" و"الموقف"، أما عبر التليفزيون فيشارك في تقديم برنامج "نهار جديد" على شاشة "النهار"، وشارك في بعض الأعمال التليفزيونية منها مسلسل "مأمون وشركاه".