نهاد ابو القمصان تهاجم تميم "سالمونيلا" : المشرحة مش ناقصة قتله

هاجمت نهاد ابو القمصان المحامية بالنقض ورئيسة المركز المصري لحقوق المرأة المطرب تميم يونس على خلفية اغنيته الاخيرة سالمونيلا، مؤكدة ان (المشرحة مش ناقصة قتلة ) واغنية سالمونيلا جريمة.

 

واضافت نهاد على صفحتها الشخصية بموقع التواصل الإجتماعي الفيس بوك انا مش بتكلم عن التحليل الفنى وانها كوميديا لكن تميم شاب بتاع دعاية واعلانات ،يعنى فاهم كويس التاثير فى الوعى واتجاهات السلوك ودايما الكلام عن الستات البضاعه الرايجة حتى لمشايخ السلفية .. فهو بيهبد الهبدة اللى يعمل بيها فلوس على النت من اول " انتى اي كلام " لحد " لو قلتى لا هقول عليكى مسكبة

 

ولفتت الي إنها جريمة كراهية تتعمل فى بلد مفيهاش ميثاق اعلامى او قانون بيحمى الناس من العنصرية حلال عليه القرشين والترند وبرامج السهر اللى هتركب على الترند ،، بس ما يطلعش هو يعمل فيها المثقف الفهيم بتاع المبادئ اللى بيواجه مجتمع ذكورى لان حضرتك فتحت باب للتنمر والعنف ضد البنات والستات مش عارفين اخره ايه.