اسعاد يونس تتدخل في أزمته مع نصر محروس.. بهاء سلطان: "بقالي 8 سنين مشتغلتش" 

ظهر الفنان بهاء سلطان، بعد غياب عن الأضواء من خلال برنامج "صاحبة السعادة"، الذي تقدمه الإعلامية إسعاد يونس، في حلقة الاحتفال بليلة رأس السنة. 
 

وكان قد نشب خلافًا بين نصر محروس و بهاء سلطان منذ سنوات على خلفية خلل فى بعض بنود التعاقد، أدى الأمر إلى إقامة دعاوى قضائية وهو ما تسبب في منع سلطان من الغناء والغياب عن جمهوره.

وكشف بهاء، خلال اللقاء عن تفاصيل عديدة، وذلك في التقرير التالي:

- بدأت إسعاد يونس الحلقة بتوجيه رسالة للمنتج الغنائي نصر محروس، قائلة: "نصر محروس إنت عارف أنا بحبك قد إيه.. إنت حبيبي وأخويا، وعشرة سنين طويلة.. أنا نفسى نفك الاشتباك.. خلاص كبرنا، واللي جاي مش قد اللى راح.. برجوك نقعد سوا وأبوس على دماغك.. إننا نصفى الأمور بينك وبين بهاء سطان"، مضيفة: " صوت بهاء ناقص في السوق.. احنا محتاجينه.. أنت ياما قدمت أصوات جميلة.. من إسعاد لنصر محروس ممكن نروق الأحوال وننسى القضايا.. وتدوني بوسة إنتم الاثنين.. وحياة السنة الجديدة تقبل دعوتي حرام الصوت ده يقعد في البيت".

 - قدم بهاء سلطان خلال الحلقة العديد من الأغانى منها: "مايردش، ياللى بايع، 3 دقايق"، وغيرها من الأغانى، كما قدم موشح "فكم لله من لطف خفى".

 - "بناتى أصحابي، أولادي بينادوني باسمي، ولما أكون ساكت بينكشوني وممكن آلاقي قلم نزل على وشي، أمهم بتذاكرلهم والحاجات اللي بيذاكروها حاليا كنا بناخدها في الإعدادي، كادي وكاندي بيتفرجروا على فيديوهات وبيمثلوا، وأحمد شقي جدًا".

 - " نفسي السنة تكون خير علينا واللي نفسه في حاجة تتحقق وتفرق معايا نفسيًا او ماديًا، ونفسي أجي تاني ولكن يكون عندي حاجة جديدة بقى عشان كدا كتير".

 - " أنا كنت غاوي عبده الإسكندراني، بس مش فاكر مواويل أوي ليه، من زمان كنت بسمع عم عبدالباسط حمودة وأستاذ طارق الشيخ، وبعد كدا أخويا الله يرحمه اداني شريط أستاذ عبده الاسكندراني".

- "أحلى حاجة حصلت في 2019، عندي اللي بيريحني إن ولادي ومراتي دايما جنبي في كل حاجة، وبقيت بحفظ القرآن وفي الجزء الـ26 دلوقتي، وفرحان جدًا بكدا".

- " بقالي 8 سنين ماشتغلتش وماعمتلش حاجة ـ  وأنا في الشركة بقالي 20 سنة معملتش غير 5 ألبومات".

- "زمان لجنة الاستماع في الإذاعة والتليفزيون صنفوني على إني شعبي، لكني بحاول أنوع وأطور من صوتي".