ماذا قال حسام حسن قبل مواجهة بلجيكا الهامة في المونديال؟

تحدث حسام حسن المدير الفني لمنتخب مصر الأول لكرة القدم قبل مواجهة بلجيكا الهامةفي كأس العالم

وقال حسام حسن: مفيش منتخب متواجدين من 48 منتخب ولا مدرب بيشتغل يكون مخترشي احسن لعيبه في القائمة أو ساب حد بمزاجه لكن في قائمة محددة بتختارها

واضاف مصطفى زيكو وحمزة عبدالكريم من النماذج اللي العالم مش عايز اقول هيتفاجئ بيهم لكن هيكون ليهم دور وشأن

وأكمل وانا بقول من خلال الإعلام الأجنبي هنا .. حمزة عبدالكريم هيكون ليه دور كبير مع برشلونة كمان الفتره الجايه

و بخصوص التنقلات؟ يعني مكناش نتمنى نتنقل كتير وكنا نقعد في مكان واحد .. لكن دي هي حاجه على الكل عموما ومساحات في امريكا تسمح بكده

وردا عن سؤال هل انت قادر تاخد مصر لمستوى جديد؟ أجاب حسام: سؤال كويس لأننا مش جايين نشارك بس لا أنا بعمل مستقبل لمنتخب مصر مش قصة مشاركة في أمم أفريقيا في المغرب ولا كأس العالم

واضاف كل تفكيري اني اكون جيل لمنتخب مصر لا يتأثر بغياب لاعب أو اعتزال حد أو إصابة حد ويكون في نماذج تقدر تقود المنتخب السنين الجايه وده هيبان بعد كأس العالم

وعن جماهير مصر قال تنتظر الجماهير المصرية منتخب ليه طموح وشكل جديد .. احنا تعبنا خلال السنتين اللي فاتت في كده سواء في تصفيات امم افريقيا أو تصفيات كأس العالم أو مباريات ودية أو أمم أفريقيا ودي كلها حاجات محصلتش قبل كده لمنتخب مصر والكلام ده الشعب هيحس بيه

وأكمل أنا عايز العالم كله يشوف أداء المنتخب المصري ويحترمه ومنتخب لا يعتمد على لاعب واحد ولا نجم واحد، لا فريق جماعي وده شوفناه في أمم أفريقيا ومنتخب البرازيل حتى آخر مباراة..

وأشار حسام إحنا عندنا ثلاث مباريات في دور المجموعات مش مباراة واحدة.. وهدفنا نتأهل ونخلي الجمهور المصري يشوفنا في الدور الثاني.