أبو الليف: كل ما أكلم الموسيقيين عشان فلوس العملية يتقالي أنت مش شايف اللي بيحصل في النقابة

كشف الفنان نادر أبو الليف، سبب هجومه على نقابة المهن الموسيقية، بعدما طالب بدفع ثمن العملية الجراحية التي أجراها مؤخرًا على حساب أصدقائه.

وقال الفنان نادر أبو الليف في تصريح خاص ، إن ظروفه المادية صعبة للغاية، وغير مقتدر على دفع 88 ألف جنيه ثمن العملية الجراحية، بالإضافة إلى أنه خاطب نقابة المهن الموسيقية من خلال تقديم طلب للحصول على ثمن الجراحة، ولكنه فوجئ بالنقابة تدفع له 15 ألف جنيه فقط.

وتابع نادر أبو الليف: النقابة ولا كأنهم يعرفوني، ومشغولين باللي بيحصل في النقابة والطلب بقاله شهر ولا حد بيرد عليا، ولما يترد يقولولي أصل أنت شايف اللي بيحصل في المجلس بعد استقالة هاني شاكر، طب أنا أدفع الفلوس دي منين وأنا سالفها من أصدقائي في الأساس.

أبو الليف يتحدث عن تكاليف الجراحة

وسبق ودخل المطرب نادر أبو الليف في نوبة بكاء، بعد كشف تفاصيل إجرائه جراحة مؤخرًا، على نفقته الخاصة دون مساعدة نقابة المهن الموسيقية له والذي ينتمي إليها.

واستكمل نادر أبو الليف، أنه دخل العناية المركزة مؤخرًا: عملت جراحة ودفعت 88 ألف جنيه، ومستلفهم عشان أدفعهم للمستشفى، النقابة كانوا عايزين يدوني 15 ألف جنيه عشان أدفع تكاليف المستشفى اللي مستلفهم من صحابي، هما دول اللي انتخبناهم في المجلس، حرام عليكم، لو اتعرض عليا النهاردة أي حاجة هوافق عشان أوفر الأكل للأربعة اللي في رقبتي مراتي وعيالي التلاتة.