مراد مكرم: البقاء لله مفيهاش تعزية لأهل المتوفي.. ولما حد يشكرك متقولش الشكر لله

أعرب الفنان مراد مكرم عن استيائه من تردد جملة البقاء لله أثناء التعزية، إذ أكد أن تلك الجملة لا تقدم لأهل المتوفي شيئًا، كما انتقد أيضًا جملة الشكر لله، إذ أشار إلى أنه لا بد أن تشكر الشخص الذي قدم لك خدمة ما، وليس شكر الله.

وكتب مراد مكرم منشورًا، عبر حسابه الشخصي بموقع التواصل الاجتماعي فيسبوك، قال فيه: مش عارف أنا الوحيد اللي بفكر كده، ولا في حد بيفكر زيي، كلمة البقاء لله ما فيهاش أي تعذية لأهل المتوفي.

وتابع مراد مكرم: يعني البقاء لله دي من المسلمات، أنت بتوصله إيه، معلش كلنا هنموت؟، ودي فيها تعذية إيه، وليه أصلًا؟، ما أهل المتوفي عارفين أن البقاء لله، ضيفت أنت إيه بقا، فين الله يرحمه ويحسن إليه ويصبرك، فين البقية في حياتك؟، فين طولة العمر ليك؟، زي برضه لما حد يعملك حاجه فتشكره، فيقولك الشكر لله.. لا ونبي؟، ضيفت لي أنت كده بقا معلومة، أصلي ما كنتش أعرف إننا لازم نشكر ربنا.

تصريحات مراد مكرم

وأضاف مرد مكرم: يا بني الشكر لله من قبل ومن بعد، بس أنا بشكرك أنت لأنك عملت لي حاجة، ساعدتني في حاجة، فين العفو، فين على راسي، يعني ينفع أقولك صباح الخير تقولي الشمس بتشرق من الشرق؟، هو ليه جو البديهيات ده؟، إيه لازمتها يعني؟.