قصيدة ( بقية أمل )

لاعب يستنى كسر زميله عشان الفرصه تجيله جار يتسلى بمصايب جاره عشان يغطى على أخباره بيوت تهرب للأفلام علشان تحبس العتاب والكلام وقعاد الكل على النت خلى المبادئ والقيم زفت صياعة وفهلوه بقت موضه الواد داخل من الباب للأوضه لا مراعى اب ولا ام والكل عامل ملاك فى الزيطه إلا من رحم ربي وفى الخلوه يا وقعه سوده نفسه يتوب وينور ربنا دربه بلاش نخلى السبوره سوده بصيص من أمل وراه عمل يخفف الخل ويخلى العقل وزنه يتقل ونرجع لطباعنا الحلوه من تانى ننتصر لأمنا مصر ربنا جعلها آمنه ومباركه وسبب لكل نصر فى اى عصر تقدر تقولى فين الذوق لما التلميذ فى وش أستاذه يدخن سيجاره ويلاقيه ماشي تعبان من الهم ويتباهى عليه وهو راكب سياره يا الف خساره وخساره زمان كان التلميذ بيطاطى راسه احترام ويلف من شارع تانى بدون كلام ملعون العوزه للفلوس اللى تخلى الأستاذ على كرامته يدوس حفنة نقود جمعها محلسه و استعناد وبكره تزول مع كشف دكتور من ضغط وسكر وفيروس لهجة المال خلت العقل مال ولو غربلت بغربال هتلاقي المشي بين الناس مصالح وبقى المبدأ بكام وادفع واللى معهش ما يلزموهش ربنا يهدى الخلق ونحكم العقل ونرجع للحكم العدل ينصرنا على نفوسنا ونرجع نحب بعضنا ونفرح باللمه وننبسط بكل مناسبه ونسمع حكاوي الأب والجد ونببقى للخير بشر وعند الشر أقوى سد ربنا يحفظ وطنا وينور قلوبنا ويبارك لنا فى رمضان وشعبان ورجب.