زجاج معكوس...شعر ..نبيل الخولى
صوره فى ازاز معكوس،مع صوت نفس مهزوز،
شويه بواقى حظوظ،،واحلام كتير بتبوظ......
طب اروح لفين ولمين ..قلبى انقسم نصين،، ،،،قلبى كتير بيلين لشويه كلام حلوين..وبقوله يمشى يمين ،،وكفايا لف سنين ،،ولمين نقول اسفين ...ده كل البشر خاينين .كل القلوب وحشين.
مرت ساعات وساعات وضاعت وعود وحاجات ،وكتير من العمر فات ،،مش باقى غير فتات ،،ياما القلب شاف وخايف من غد جاف وسنين لتكون عجاف ،،ودايما بخاف وبخاف لتكون احلامى حاف من غير غطا ولحاف..وبشوف دموع مكسوره مغموره جوه الصورة ،،وبحارب النصيب وكتير يصيب وساعات بعاند القدر والاقيه حجر بكل المعانى والصور.وفى عز الجد،، ملقتش منكم حد ،،اصل الحروف اصل الحروف زى المطر ،،سن قلمى فيها انشطر وكتير بكيت تحت القمر .
وكتير ناديتكو ولا يوم لقيتكو حاكم عيشتكو زى الشجر ..معلش اكتر كلمه بتتقال ،،دانا شايل منها جبال والعيشه على اد الحااال ،،،بص ياعم واسمعنى ياخااال انا من صغر سنى جوايا شئ لكنى مقدرش ابوح معرفش اروووح ،،لاحسن يفوح منه غدر الزمن من غير تمن على ناس لا تؤتمن،،بقوم من نومى مخضوض..حاسس جوايا غموض والفين سؤال معقود،،وطريق جميل مسدود سامع رصاص وبارود وفى الاصل مش موجود...
لازم تقوم وتكمل لازم كمان تتحمل ،،هيجى عليك الدور وتشوف خلاص النور ،،واياك تبات مكسور ،،دى شويه بواقى شعور ،،لازم نكون ونكون ونبقى قد الكوون ،،ولينا رب الكون هو معانا وبس ....بقلمى [email protected]